पुणे : इंग्लंडविरुद्धच्या पहिल्या वनडे सामन्यात प्रसिद्ध कृष्णा()ने पदार्पण केले. या पहिल्याच सामन्यात त्याने एक विक्रम स्वत:च्या नावावर केला. भारतीय संघाने प्रथम फलंदाजी करत इंग्लंडसमोर विजयासाठी ३१८ धावांचे लक्ष्य दिले होते. वाचा- सलामीवीर शिखर धवन (९८), कर्णधार विराट कोहली (५६), केएल राहुल (६१) आणि क्रुणाल पंड्या (५६) यांनी केलेल्या शानदार अर्धशतकांच्या जारोवर भारताने इंग्लंडला आव्हानात्मक टार्गेट दिले होते. इंग्लंडची सुरुवात देखील धमाकेदार झाली. त्यांनी १४ षटकात विकेट न गमवता १३५ धावा केल्या होत्या. भारतीय गोलंदाजांची धुलाई झाली होती. यात पदार्पण करणाऱ्या प्रसिद्ध कृष्णाचा देखील समावेश होता. वाचा- सुरुवातीला भरपूर धावा दिल्यानंतर कृष्णाने शानदार कमबॅक केले. त्याने ८.१ षटकात ५४ धावा देत चार विकेट घेतल्या. पदार्पणाच्या सामन्यात भारताकडून सर्वाधिक विकेट घेण्याचा विक्रम कृष्णाने स्वत:च्या नावावर केला. त्याने २४ वर्षापूर्वीचा विक्रम मोडला. सामना झाल्यानंतर बोलताना प्रसिद्ध कृष्णाने सांगितले, त्याला फलंदाजांची जोडी फोडणारा गोलंदाज म्हणून नाव कमवायचे आहे. तसेच चेंडू हिट द डेक ( चेंडूला वेगाने खेळपट्टीवर टप्पा देणे) देणारा गोलंदाज अशी ओळख तयार करायची आहे. इंग्लंडविरुद्धच्या पहिल्या वनडेत भारतीय संघाने ६६ धावांनी विजय मिळवला. या विजयात कृष्णाची भूमीका महत्त्वाची होती. कर्नाटकच्या या जलद गोलंदाजाने पहिल्या ३ षटकात ३७ धावा दिल्या होत्या. इंग्लंडने १४ षटकात विकेट न गमावता १३५ धावा केल्या होत्या, तेव्हा कृष्णाने जेसन रॉय आणि जॉनी बेयरस्टो यांची विकेट घेतली. या दोन विकेटनंतर इंग्लंडचा डाव कोसळला. वाचा- पहिल्या काही षटकात मला चांगली सुरुवात करता आली नाही. त्यांनी माझ्या विरुद्ध आक्रमक फलंदाजी केली. पण मला स्वत:वर विश्वास होता. आम्ही एकाच वेळी अनेक विकेट मिळवल्या ज्याचा फायदा झाला. सुरुवातीच्या ३ षटकानंतर माझ्या लक्षात आले की चेंडू पुढील बाजूस टाकून चालणार नाही. त्यानंतर मी चेंडू योग्य पद्धतीने टाकला, असे कृष्णाने सांगितले. कृष्णाने विजय हजारे ट्रॉफीतील ७ सामन्यात २४.५च्या सरासरीने १४ विकेट घेतल्या. आयपीएलमध्ये तो कोलकाता नाइट रायडर्सकडून खेळतो.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3lM30jd
No comments:
Post a Comment