मुंबई : एखाद्या व्यक्तीच्या ललाट लेखात जे लिहिले आहे, ते घडतेच. अशीच एक गोष्ट इंग्लंडच्या क्रिकेटपटूच्या बाबतीतही पाहायला मिळाली आहे. कारण आयपीएलच्या लिलावात या खेळाडूला कोणीही संघात स्थान दिले नव्हते. त्याच्यावर कोणीही बोली लावण्यास उत्सुक नव्हते. पण या खेळाडूच्या नशिबात आयपीएल खेळणे होते. त्यामुळे या खेळाडूला आता लॉटरी लागली असून आयपीएलमधील एका संघाने त्याला स्थान दिले आहे. हैदराबादचा अष्टपैलू खेळाडू मिचेल मार्श हा आता आयपीएल खेळणार नसल्याचे स्पष्ट झाले आहे. करोनामुळे आयपीएल खेळणाऱ्या सर्व खेळाडूंना बायो-बबलमध्ये राहावे लागणार आहे. यासाठी मार्श तयार नसून त्याने आता यावर्षी आयपीएलमध्ये न खेळण्याचा निर्णय घेतलेला आहे. त्यामुळे हैदराबादच्या संघाला धक्का बसेल असे वाटत होते. पण हैदराबादच्या संघाने आता मार्शच्या बदली इंग्लंचडच्या धडाकेबाज सलामीवीराला संघात स्थान दिले आहे. हैदराबादच्या संघाने आता जेसन रॉयची मिचेल मार्शच्या बदली संघात निवड केली आहे. भारताविरुद्धच्या ट्वेन्टी-२० आणि वनडे मालिकेत जेसन रॉयने धडाकेबाज फलंदाजी केली होती. पण त्याला आयपीएलमध्ये आतापर्यंत कोणत्याही संघाने स्थान दिलेले नव्हते. त्यामुळे आता मार्शच्या जागी हैदराबादच्या संघात जेसनचा समावेश करण्यात आला आहे. करोनामुळे आता आयपीएल खेळण्यासाठी प्रत्येक खेळाडूला बायो-बबलमध्ये यावे लागणार आहे. पण त्यापूर्वी प्रत्येक खेळाडूला सात दिवस क्वारंटाइन राहावे लागणार आहे. या क्वारंटाइनच्या काळात खेळाडूंच्या करोना चाचण्याही घेण्यात येणार आहेत. या चाचण्यांमध्ये निगेटीव्ह आल्यावरच खेळाडूला आयीएलमध्ये खेळता येणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3rFqFTJ
No comments:
Post a Comment