पुणे, : भारताचा अनुभवी फिरकीपटू आर. अश्विनने आज एक ट्विट केले होते. पण अश्विनवर यावेळी आपलेच ट्विट डिलीट करण्याता नामुष्की ओढावली. भारतीय संघाची फलंदाजी पाहून अश्विनने आपले हे ट्विट डिलीट केल्याचे पाहायला मिळाले आहे. अश्विन भारताच्या वनडे किंवा ट्वेन्टी-२० संघातून खेळत नाही. कसोट क्रिकेटमध्ये अश्विन चांगली कामगिरी करत आहे. त्यामुळेच अश्विनला वनडे आणि ट्वेन्टी-२० संघात खेळवायला हवे, असे म्हटले जात होते. पण अश्विनला मात्र भारतीय संघाने वनडे आणि ट्वेन्टी-२० संघात स्थान न दिल्याचेच पाहायला मिळाले. भारताच इंग्लंडबरोबरचा तिसरा सामना सुरु असताना अश्विनने एक ट्विट केले होते. या ट्विटमध्ये अश्विनने म्हटले होते की, " आतापर्यंत आंतरराष्ट्रीय वनडे क्रिकेटमध्ये ४०० धावांचा यशस्वीपणे पाठलाग फक्त एकदाच करता आला आहे. त्याचबरोबर रोहित शर्माने आतार्यंत एकदिवसीय क्रिकेटमध्ये तीनवेळा द्विशतक झळकावले आहे." भारतीय संघाने या सामन्यात दमदार सलामी दिली होती. रोहित शर्मा आणि शिखर धवन यांनी यावेळी १०३ धावांची सलामी दिली. त्याचबरोबर रोहित चांगल्या फॉर्ममध्ये दिसत होता. त्यामुळे अश्विनला वाटले की, रोहित आज पुन्हा द्विशतक झळकावू शकतो. जर रोहितने द्विशतक झळकावले, तर नक्कीच भारतीय संघ ४०० धावांपर्यंत पोहोचू शकतो आणि ते हा सामना सहजपणे जिंकू शकतात. पण भारताला चांगली सलामी मिळाली असली तरी त्यानंतर त्यांचे चार फलंदाज लवकर बाद झाले आणि अश्विनचे हे स्वप्न बेचिराख झाले. त्यामुळेच अश्विनने आपले हे ट्विट डिलीट केले आहे. भारताने या सामन्यात इंग्लंडला ३३० धावांचे आव्हान दिले आहे. भारताला यावेळी शिखर धवनच्या अर्धशतकाच्या जोरावर १०३ धावांची सलामी मिळाली होती. पण त्यानंतर भारताने ५४ धावांमध्ये चार विकेट्स गमावल्या आणि त्यांची ४ बाद १५७ अशी अवस्था झाली होती. त्यावेळी पंतने फलंदाजीला आल्यावर धमाकेदार फलंदाजी केली आणि त्यामुळेच भारताला चांगल्या धावा करता आल्या. पंतला यावेळी हार्दिकची चांगली साथ मिळाली. कारण हार्दिकने यावेळी ६४ धावांची खेळी साकारली. त्यामुळे भारताला पंत आणि हार्दिक यांच्या फलंदाजीच्या जोरावर मोठी धावसंख्या उभारता येऊ शकली. पण अश्विनचे भाकित मात्र यावेळी खरे होऊ शकले नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cu7OGC
No comments:
Post a Comment