पुणे, IND vs ENG : इंग्लंडविरुद्धच्या पहिल्या एकदिवसीय सामन्यात श्रेयस अय्यरच्या खांद्याला गंभीर दुखापत झाली आहे. त्यामुळे आता तो या मालिकेतील उर्वरीत दोन सामनेही खेळू शकणार नाही. पण त्याचबरोबर आयपीएलच्या काही सामन्यांनाही त्याला मुकावे लागणार आहे. आयपीएलमध्य दिल्ली कॅपिटल्सच्या संघाचे नेतृत्व श्रेयस करतो. गेल्यावर्षी श्रेयसच्या नेतृत्वाखाली दिल्लीचा संघ अंतिम फेरीत पोहोचला होता. पण अंतिम फेरीत दिल्लीच्या संघाला मुंबई इंडियन्सने पराभूत केले आणि त्यांना उपविजेतेपदावरच समाधान मानावे लागले होते. पण आता दिल्लीच्या संघाला श्रेयसच्या रुपात आता एक मोठा धक्का बसला आहे. श्रेयसची दुखापत ही गंभीर स्वरुपाची आहे. या दुखापतीमधून बाहेर पडण्यासाठी श्रेयसला किमान एका महिन्याचा तरी कालावधी लागेल, असे म्हटले जात आहे. बीसीसीआयमधील सूत्रांनी दिलेल्या माहितीनुसार, श्रेयसची दुखापत ही गंभीर स्वरुपाची आहे, त्यामुळे तो आयपीएलच्या पहिल्या हाफमध्ये खेळू शकणार नसल्याचेच सध्या दिसत आहे. त्यामुळे श्रेयस हा आयपीएलमधील किमान ७ सामन्यांमध्ये खेळू शकत नाही, असे सध्या दिसत आहे. पण श्रेयस या दुखापतीमधून किती लवकर सावरतो आणि त्याच्या दुखापतीचे पुनर्वसन कसे होते, यावर या सर्व गोष्टी अवलंबून असतील. इंग्लंडविरुद्धच्या पहिल्या सामन्यात श्रेयसच्या खांद्याला क्षेत्ररक्षण करत असताना जबर मार बसला होता. त्यानंतर त्याला मैदानाबाहेर नेण्यात आले होते. पण त्याची दुखापत गंभीर स्वरुपाची असल्यामुळे त्याला हॉस्पिटलमध्ये नेण्यात आले होते. हॉस्पिटलमध्ये श्रेयसची वैद्यकीय चाचणी करण्यात आली आणि ही दुखापत गंभीर असल्याचे समजले. त्यामुळे आता श्रेयस आयपीएलमध्ये खेळणार की नाही, याकडे सर्वांचे लक्ष असेल. नेमकं घडलं तरी काय, पाहा...भारत आणि इंग्लंड यांच्यातील पहिल्या एकदिवसीय सामन्यात ही गोष्ट घडली ती आठव्या षटकात. भारताचा वेगवान गोलंदाज शार्दुल ठाकूर हे आठवे षटक टाकत होता. या षटकाच्या चौथ्या चेंडूवर इंग्लंडच्या जॉनी बेअरस्टोने जोरदार फटका लगावला. हा चेंडू आता सीमापार जाणार आणि इंग्लंडला चार धावा मिळणार, असे दिसत होते. पण त्यावेळी भारताच्या श्रेयस अय्यरने यावेळी हवेत झेप घेतली आणि चेंडू थांबवण्याचा प्रयत्न केला. अय्यरने यावेळी दमदार झेप घेत चेंडू रोखला आणि भारतासाठी दोन धावा वाचवल्या. पण यावेळी श्रेयसला गंभीर दुखापत झाली आहे. ही दुखापत गंभीर स्वरुपाची असल्यामुळे त्याला थेट मैदानाबाहेर नेण्यात आले होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2PnPNRk
No comments:
Post a Comment