भारतीय खेळाडूंना महागात पडली क्रिकेट सीरिज, चौथा खेळाडू झाला करोना पॉझिटीव्ह

मुंबई : भारतीय खेळाडूंना क्रिकेट सीरीज आता चांगलीच महागात पडल्याचे पाहायला मिळत आहे. कारण आता भारताचा चौथा खेळाडू करोना पॉझिटीव्ह सापडला आहे. त्यामुळे भारतीय संघात सध्याच्या घडीला चिंतेचे वातावरण आहे. रोड सेफ्टी वर्ल्ड सीरिज संपल्यावर भारतीय संघातील खेळाडू एकामागून एक करोना पॉझिटीव्ह सापडत आहेत. सर्वप्रथम भारताचा माजी महान क्रिकेटपटू सचिन तेंडुलकरला करोना झाला होता. त्यानंतर या संघातील युसूफ पठाणला करोनाची लागण झाली होती. त्यानंतर एस. बद्रीनाथलाही करोना झाला होता. आता तर इरफान पठाणही करोना पॉझिटीव्ह सापडला आहे. त्यामुळे रोड सेफ्टी वर्ल्ड सीरिज ही भारतीय खेळाडूंना चांगलीच महागात पडलेली पाहायला मिळत आहे. करोना पॉझिटीव्ह सापडल्यानंतर इरफान पठाणने एक ट्विट केले आहे. यामध्ये इरफान म्हणाला की, " मी करोना पॉझिटीव्ह सापडलो आहे. त्यामुळे मी आता घरामध्येच क्वारंटाइन राहण्याचा निर्णय घेतला आहे. त्यामुळे ज्या व्यक्ती माझ्या संपर्कात आल्या होत्या, त्यांनी आता करोना चाचणी करुन घ्यायला हवी. त्याचबरोबर सुरक्षिततेचे काही उपाय आपण सर्वांनीच पाळायला हवे. सर्वांनीच मास्क वापरायला हवा, त्याचबरोबर सुरक्षित अंतरही ठेवायला हवे. तुम्हा सर्वांचेच आरोग्य सुरक्षित राहावे, हीच इच्छा आहे." रोड सेफ्टी वर्ल्ड सीरिज संपल्यावर सचिन तेंडुलकर करोना पॉझिटीव्ह सापडल्यानंतर आता या स्पर्धेत खेळलेल्या सर्व खेळाडूंना करोना चाचणी करावी लागणार आहे. कारण हे सर्व खेळाडू रोड सेफ्टी वर्ल्ड सीरिजमध्ये सचिनबरोबर खेळत होते. त्यामुळे सचिनला करोना झाल्यावर युसूफ पठाण आणि आता एस. बद्रीनाथ यांनाही करोनाची लागण झाल्याचे पाहायला मिळत आहे. त्यामुळे यावेळी भारतीय संघात जे खेळाडू होते, त्यांना आणि त्यांच्या कुटुंबियांनाही यावेळी करोनाची चाचणी करावी लागणार आहे. खेळाडू आपल्या घरी पोहोचल्यामुळे त्यांच्या कुटुंबियांनाही यावेळी करोनाची चाचणी करुन घ्यावी लागणार आहे. सचिन तेंडुलकर, युसूफ आणि बद्रीनाथ ज्यांना ज्यांना भेटले होते, त्यांना आता करोनाची चाचणी करावी लागणार आहे. यामध्ये आता इरफान पठाणचीही भर पडली आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2PHR0Dn