नवी दिल्ली : गेल्यावर्षी आपल्या संघाला सोडून येणारा सुरेश रैना ()आता आगामी आयपीएलच्या (IPL2021) आगामी मोसमासाठी सज्ज झाला आहे. रैनाने त्यासाठी मुंबई गाठली असून चेन्नई सुपर किंग्सच्या टीममध्ये तो आता दाखल होणार आहे. गेल्यावर्षीची आयपीएल युएईमध्ये झाली होती. त्यावेळी चेन्नईच्या संघातील सदस्य करोना पॉझिटीव्ह सापडले होते. त्यानंतर रैनाने संघाला सोडण्याचा निर्णय घेतला होता आणि तो युएईमधून थेट भारतामध्ये दाखल झाला होता. त्यानंतर संघाचे मालक एन. श्रीनिवासन आणि रैना यांच्यामध्ये वाद झाल्याचेही पाहायला मिळाले होते. त्यामुळे रैनाला पुढच्या मोसमासाठी चेन्नईच्या संघात संधी मिळणार नसल्याचे बऱ्याच जणांना वाटले होते. पण रैनाला चेन्नईच्या संघाने कायम ठेवले आणि आता आयपीएलसाठी रैना सज्ज झाला आहे. चेन्नईच्या संघाने केले नवीन जर्सीचे अनावरण, कर्णधार महेंद्रसिंग धोनीचा व्हिडीओ झाला व्हायरल...चेन्नई सुपर किंग्सचा कर्णधार महेंद्रसिंग धोनीने आज आपल्या संघाची नवीन जर्सी लाँच केली. यावेळी कोहलीचा एक खास व्हिडीओ संघाने आपल्या ट्विटर हँडलवर पोस्ट केला आहे. हा व्हिडीओ चाहत्यांच्या पसंतीस पडला असून तो चांगलाच व्हायरल झाल्याचे पाहायला मिळत आहे. चेन्नईच्या या नवीन जर्सीच्या माध्यमातून भारतीय सेनादनालाही सलाम करण्यात आला आहे. या जर्सीच्या खांद्याची डिझाइन बदलण्यात आली आहे. भारताच्या आर्मीचा जसा गणवेश असतो, तसा रंग यावेळी जर्सीच्या खांद्याला देण्यात आला असून या माध्यमातून भारतीय सेनादलाला कुर्निसात करण्याचा एक प्रयत्न चेन्नईच्या संघाने केल्याचे पाहायला मिळते आहे. त्याचबरोबर या जर्सीमध्ये काही बदलही करण्यात आलेले आहेत. गेल्यावर्षी युएईमध्ये झालेल्या आयपीएलमध्ये चेन्नईच्या संघाला चांगली कामगिरी करता आली नव्हती. कारण आयपीएलच्या इतिहासामध्ये पहिल्यांदाच चेन्नईचा संघ सर्वात पहिल्यांदाच स्पर्धेच्या बाहेर गेला होता. त्याचबरोबर संघ गुणतालिकेत तळालाही होता. त्यामुळे चेन्नईचे चाहते निराश झाले होते. पण या मोसमात धोनीच्या नेतृत्वाखालील चेन्नईचा संघ काय कमाल करतो, याकडे सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3lMvmcU
No comments:
Post a Comment