IPL 2021 : मुंबई इंडियन्सचा संघ नव्या जर्सीत चेन्नईमध्ये दाखल, रोहित शर्माचा व्हिडीओ झाला व्हायरल

मुंबई : आतापर्यंत आयपीएलमध्ये सर्वाधिक जेतेपदं पटकावणारा मुंबई इंडियन्सचा संघ चेन्नईमध्ये दाखल झाला आहे. यावेळी मुंबई इंडियन्सचे खेळाडू नवीन जर्सीमध्ये पाहायला मिळाले. त्याचबरोबर मुंबई इंडियन्सचा कर्णधार रोहित शर्माचा एक व्हिडीओ आता चांगलाच व्हायरल झालेला पाहायला मिळत आहे. मुंबईचा संघ चेन्नईमध्ये नेमका काय करतोय, हा प्रश्न आता सर्वांनाच पडला असेल. पण यावर्षी मुंबई इंडियन्सचा संघ चेन्नई सुपर किंग्ज संघाचे घरचे मैदान असलेल्या चेपॉक मैदानावर सर्वाधिक पाच सामने खेळणार आहे. तर दिल्लीत ४, बेंगळुरूत ३ आणि कोलकातामध्ये दोन लढती खेळणार आहे. मुंबई इंडियन्सच्या २९ एप्रिल, १३ मे आणि २३ मे रोजीच्या लढती या दुपारी ३.३० ला सुरू होतील. अन्य सर्व लढती संध्याकाळी ७.३० ला असतील. यावर्षी करोना व्हायरसमुळे आयपीएलमधील सामने आठ शहरांमध्ये होणार नाहीत. यावेळी ठराविक शहरांमध्येच आयपीएलच्या सामन्यांचे आयोजन करण्यात आले आहे. मुंबई इंडियन्सचा संघ सर्वाधिक सामने चेन्नईमध्ये खेळणार आहे. त्यामुळे चेन्नईच्या मैदानात मुंबई इंडियन्सची कामगिरी नेमकी कशी होते, याची उत्सुकता नक्कीच सर्वांना असेल. यावर्षी आता मुंबईला विजेतेपदाची हॅटट्रिक करण्याची संधी आहे. रोहित शर्माच्या नेतृत्वाखाली खेळणाऱ्या मुंबई इंडियन्सने पाच वेळा आयपीएलचा चषक उंचवला आहे. मुंबई इंडियन्सने २०१३, २०१५, २०१७, २०१९ आणि २०२० साली आयपीएलचे विजेतेपद मिळवले आहे. त्यामुळे यावर्षी रोहितच्या नेतृत्वाखाली मुंबईची कामगिरी नेमकी कशी होते, याकडे सर्वांचेच लक्ष लागलेले असेल. मुंबई इंडियन्सचे वेळापत्रक९ एप्रिल- विरुद्ध RCB- चेन्नई १३ एप्रिल- विरुद्ध KKR- चेन्नई १७ एप्रिल- विरुद्ध SRH- चेन्नई २० एप्रिल- विरुद्ध DC- चेन्नई २३ एप्रिल- विरुद्ध PBKS-चेन्नई २९ एप्रिल- विरुद्ध RR- दिल्ली १ मे- विरुद्ध CSK- दिल्ली ४ मे- विरुद्ध SRH- दिल्ली ८ मे- विरुद्ध RR- दिल्ली १० मे- विरुद्ध KKR- बेंगळुरू १३ मे- विरुद्ध PBKS- बेंगळुरू १६ मे- विरुद्ध SK- बेंगळुरू २० मे- विरुद्ध RCB- कोलकाता २३ मे- विरुद्ध DC- कोलकाता

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fs4CNF