अहमदाबाद, : तिसऱ्या ट्वेन्टी सामन्यात भारताचा कर्णधार विराट कोहली शार्दुल ठाकूरवर चांगलाच भडकलेला पाहायला मिळाला. कोहली यावेळी शार्दुलला नेमकं काय म्हणाला याचा व्हिडीओ सध्याच्या घडीला चांगलाच व्हायरल झाला आहे. तिसऱ्या सामन्यात भारताने इंग्लंडपुढे विजयासाठी १५७ धावांचे आव्हान ठेवले होते. इंग्लंडने सहजपणे हे आव्हान पेलले आणि मालिकेत २-१ अशी आघाडी घेतली आहे. पण या सामन्यात भारतीय संघ क्षेत्ररक्षण करत असताना कोहली शार्दुलवर चांगलाच भडकलेला पाहायला मिळाला. शार्दुलकडून यावेळी एक चुक झाली आणि कोहलीचा पारा यावेळी चांगलाच चढलेला पाहायला मिळाला. इंग्लंडच्या फलंदाजाने एक फटका मारला. त्यावेळी चेंडू शार्दुलकडे गेला. त्यावेळी शार्दुलला कुठे चेंडू फेकायचा हे सांगण्यात आले होते. पण शार्दुलने त्या दिशेला चेंडू न फेकता गोलंदाजाकडे चेंडू फेकला. त्यावेळी युजवेंद्र चहल हा गोलंदाजी करत होता. त्यावेळी कोहली चांगलाच शार्दुलवर भडकला होता. पण चेंडू कुठे फेकायचा हे आपल्याला ऐकायलाच आले नाही, असे शार्दुलने कोहलीला सांगितल्याचे दिसत आहे. पण त्यानंतर कोहली शार्दुलवर भडकला आणि त्याने काही शब्दांचा वापर केला. कोहलीने यावेळी शार्दुलला अपशब्द वापरले, असेही काही जणांचे म्हणणे आहे. तिसऱ्या ट्वेन्टी-२० सामन्यात दमदार फलंदाजी करत इंग्लंडच्या जेसन रॉयने संघाला एकहाती विजय मिळवून दिल्याचे पाहायला मिळाले. जोस बटलरच्या धडाकेबाज फलंदाजीच्या जोरावर इंग्लंडने भारताला तिसऱ्या ट्वेन्टी-२० सामन्यात सहज पराभूत केले. या विजयासह इंग्लंडने या मालिकेत २-१ अशी आघाडी घेतली आहे. त्यामुळे भारताला आता ही मालिका जिंकायची असेल तर त्यांना उर्वरीत दोन्ही सामने जिंकावे लागतील. विराट कोहलीच्या नाबाद अर्धशतकाच्या जोरावर भारताने इंग्लंडपुढे १५७ धावांचे आव्हान ठेवले होते. पण इंग्लंडने भारताचे हे आव्हान सहज पूर्ण केले. त्यामुळे आता दोन्ही सामने भारतासाठी महत्वाचे असतील. जर भारताने चौथा ट्वेन्टी-२० सामना गमावला तर त्यांचे या मालिकेतील आव्हान संपुष्टात येणार आहे. त्यामुळे आता चौथ्या सामन्यात भारतीय संघात काय बदल होतात आणि ते हा सामना जिंकतात की नाही, याकडे सर्वांचेच लक्ष लागलेले असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3lmNYQG
No comments:
Post a Comment