अहमदाबाद, : चौथ्या ट्वेन्टी-२० सामन्यात सूर्यकुमार यादवाल बाद देण्याचा निर्णय चांगलाच वादग्रस्त ठरल्याचे पाहायला मिळाले. या निर्णयानंतर भारताचा माजी धडाकेबाज फलंदाज वीरेंद्र सेहवाग चांगलाच भडकला आणि त्याने एक ट्विट केले. सेहवागचे हे ट्विट आता चांगलेच व्हायरल झाल्याचे पाहायला मिळत आहे. सूर्यकुमारला ज्यापद्धतीने बाद दिले, ते पाहिल्यावर सेहवागने ट्विटरवर एक पोस्ट केली आहे. या पोस्टमध्ये सेहवागने डोळ्याला पट्टी बांधलेल्या एका मुलाचा फोटो वापरला आहे. त्याचबरोबर सूर्यकुमारचा झेल घेतला इंग्लंडच्या डेव्हिड मलानच्या हातातील चेंडू कसा मैदानाला लागला, याचाही फोटो वापरला आहे. पंच असे डोळे बंद ठेवून आपले निर्णय देत आहेत का, असा सवालच सेहवागने यावेळी विचारला आहे. इंग्लंडच्या डेव्हिड मलानने सूर्यकुमारचा झेल यावेळी पकडला होता. त्यावेळी रीप्लेमध्ये झेल पकडताना मलानच्या हाताती चेंडू हा जमिनीला लागलेला पाहायला मिळत होता. त्यानंतरही सूर्यकुमारला पंचांनी बाद दिले आणि हा निर्णय चांगलाच वादग्रस्त ठरला होता. त्यानंतर सोशल मीडियावर चाहत्यांनी पंचांना ट्रोलही केले होते. या निर्णयााबत सूर्यकुमार म्हणाला की, " मी ज्यापद्धतीने बाद झालो, ते पाहता खरं तर मी निराश झालेलो नाही. कारण काही गोष्टी या तुमच्या हातामध्ये नसतात. ज्या गोष्टी माझ्या हातामध्ये आहेत त्यावर नियंत्रण ठेवण्यासाठी मी कटीबद्ध असतो. पण हा निर्णय माझ्या हातामध्ये नक्कीच नव्हता. इंग्लंडच्या गोलंदाजांचा चांगला अभ्यास करुन मी मैदाानात उतरलो होतो आणि या गोष्टीचा मला चांगलाच फायदा झाला." इंग्लंडविरुद्धच्या चौथ्या ट्वेन्टी-२० सामन्यात सूर्यकुमारने षटकारासह आपल्या डावाची सुरुवात केली होती. त्याबाबत सूर्यकुमार म्हणाला की, " ज्यापद्धतीने मी खेळी साकारली, त्याबद्दल मी नक्कीच आनंदी आहे. जेव्हा मी फलंदाजीसाठी गेलो तेव्हा मला नेमकं काय कराचे आहे, हे माझ्या मनात स्पष्ट होते. माझी योजना तयार झालेली होती. मी जोफ्रा आर्चरला आयपीएलच्या गेल्या २-३ सत्रांमध्ये पाहत आलो आहे, त्याचबरोबर मी आर्चरच्या सर्व मॅचेस पाहिल्या आहेत. जेव्हा एखादा नवीन खेळाडू फलंदाजीसाठी येतो, तेव्हा त्याच्याकडे काही तरी योजना असते. माझ्याकडेही फलंदाजीला जाताना योजना होती आणि त्यानुसारच मी खेळ केला."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2ORZqaW
No comments:
Post a Comment