अहमदाबाद, : तिसऱ्या ट्वेन्टी-२ सामन्यात नेमकी संघ निवड काय होऊ शकते, याकडे सर्वांच्याच नजरा लागलेल्या आहेत. कारण या सामन्यात रोहित शर्मा पुनरागमन करु शकतो, असे म्हटले जात आहे. पण रोहितचे पुनरागमन होणार असेल तर लोकेश राहुलला संघाबाहेर जावे लागेल, असेही म्हटले जात आहे. पण एका शक्यतेचा विचार केला तर हे दोघेही एकाच सामन्यात खेळू शकतात. रोहितला पहिल्या दोन सामन्यांसाठी विश्रांती देण्यात आली आहे, असे वक्तव्य कर्णधार विराट कोहलीने केले होते. त्यानुसार पहिल्या दोन सामन्यांमध्ये त्याला खेळवण्यात आले नाही. त्यामुळे आता तिसऱ्या सामन्यात तो खेळणार का, याची उत्सुकता सर्वांनाच असेल. पण कदाचित रोहितला अजून एक सामन्यासाठी विश्रांती दिली जाऊ शकते. कारण यानंतर होणाऱ्या चौथ्या सामन्यात जर विराट कोहलीला विश्रांती देण्याचा निर्णय संघ व्यवस्थापन करत असेल तर रोहित चौथ्या सामन्यात थेट कर्णधार म्हणून या मालिकेत उतरू शकतो. पण त्यासाठी त्याला एक सामना अजून विश्रांती घ्यावी लागेल. पण रोहितला जर आजच्या सामन्यात खेळवायचा निर्णय घेण्यात आला असेल तर लोकेश राहुलला संघाबाहेर जावे लागू शकते. कारण गेल्या दोन्ही ट्वेन्टी-२० सामन्यांमध्ये त्याला अपयश आलेले आहे. त्यामुळे रोहित संघात आल्यावर राहुलला संघाबाहेर जावे लागेल. पण यावेळी एक पर्याय असून त्यामुळे राहुल हा संघात राहू शकतो. जर विराट कोहलीने विश्रांती घेण्याचा निर्णय घेतला तर रोहित शर्मा आणि लोकेश राहुल हे दोघेही एकत्रितपणे संघात खेळू शकतात. पण विराट कोहली सध्याच्या घडीला तरी विश्रांती घेण्याचा निर्णय घेणार का, याकडे सर्वांचे लक्ष असेल. कारण गेल्या सामन्यात कोहलीने सर्वाधिक धावा केल्या होत्या. बऱ्याच कालावधीनंतर कोहलीची बॅट चांगली तळपल्याचे पाहायला मिळाले होते. त्यामुळे फॉर्मात आलेला कोहली हा सध्याच्या घडीला तरी विश्रांती घेण्याचा निर्णय घेईल, असे वाटत नाही. त्यामुळे तिसऱ्या ट्वेन्टी-२० सामन्याची संघ निवड, ही सर्वांसाठी महत्वाची असेल. कारण सध्याच्या घडीला रोहित शर्मा कधी खेळणार, हा चाहत्यांच्या कळीचा मुद्दा झालेला आहे. त्यामुळे तिसऱ्या सामन्यात रोहित खेळणार की नाही, याकडे सर्वांचे लक्ष असेल. त्याचबरोबर रोहित खेळला तर लोकेश राहुलला डच्चू देणार कि विराट कोहली विश्रांतीचा निर्णय घेणार, याकडेही सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3tplIjc
No comments:
Post a Comment