अहमदाबाद, IND vs ENG : युवराज सिंग सध्याच्या घडीला भन्नाट फॉर्मात आहे. कारण युवराजने आज पुन्हा एकदा सहा षटकारांचा वर्षाव केल्याचे पाहायला मिळाले. युवराजच्या षटकारांचा व्हिडीओ सध्याच्या घडीला सोशल मीडियावर चांगलाच व्हायरल झाल्याचे पाहायला मिळत आहे. सध्या रोड सेफ्टीसाठी क्रिकेट सामन्यांचे आयोजन करण्यात आले आहे. भारताचा आज सामना वेस्ट इंडिजच्या संघाबरोबर होता. वेस्ट इंडिजच्या संघाचे नेतृत्व महान फलंदाज ब्रायन लाराकडे सोपवण्यात आले आहे. वेस्ट इंडिजविरुद्धच्या सामन्यात युवराजची धडाकेबाज फलंदाजी पाहायला मिळाली आणि चाहत्यांनी यावेळी युवराजच्या षटाकारांचा चांगलाच आनंद लुटला. वेस्ट इंडिजविरुद्धच्या सामन्यात भारताची प्रथम फलंदाजी होती. भारताचा माजी महान फलंदाज सचिन तेंडुलकरने यावेळी भारताला चांगली सुरुवात करुन दिली. सचिनने यावेळी ४२ चेंडूंमध्ये सहा चौकार आणि तीन षटकारांच्या जोरावर ६५ धावा केल्या. सचिन बाद झाला आणि मैदानात युवराज नावाचे वादळ घोंघावले. कारण युवराजने यावेळी फक्त २० चेंडूंमध्ये नाबाद ४९ धावांची तुफानी खेळी साकारली. युवराजच्या या वादळी खेळीमध्ये सहा षटकारांचा समावेश होता. युवराजने फक्त १० चेंडूंमध्ये हे सहा षटकार खेचल्याचे पाहायला मिळाले. युवराजच्या या षटकारांनी चाहत्यांना पहिल्या ट्वेन्टी-२० सामन्याची आठवण आली. युवराजने यावेळी एकाच षटकात तब्बल चार षटकार लगावल्याचे पुन्हा पाहायला मिळाले. यापूर्वी झालेल्या दक्षिण आफ्रिकेविरुद्धच्या सामन्यातही दमदार फलंदाजी केली होती. कारण या सामन्यातही युवराजने षटकारांची बरसात केल्याचे पाहायला मिळाले होते. युवराजने दक्षिण आफ्रिकेत झालेल्या पहिल्या ट्वेन्टी-२० विश्वचषकात एकाच षटकात सहा षटकार खेचले होते. भारताचा हा सामना इंग्लंडबरोबर होता. या सामन्यात युवराज आणि इंग्लंडचा माजी अष्टपैलू खेळाडू अँड्र्यू फिन्टॉफ यांच्यामध्ये शाब्दिक चकमक झाली होती. त्यावेळी युवराज त्याच्या दिशेने चाल करुन गेला होता. त्यावेळी युवराजला कर्णधार महेंद्रसिंग धोनी आणि पंचांनी थांबवले होते. पण त्यानंतरच्या स्टुअर्ट ब्रॉडच्या एकाच ओव्हरमध्ये युवराजने तब्बल सहा षटकार खेचले होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bW4Udv
No comments:
Post a Comment