अहमदाबाद, : भारताचे बलस्थान हे फिरकी गोलंदाजी असल्याचे म्हटले जायचे. पण सध्याच्या घडीला तरी भारतीय संघ आपल्याच फिरकीच्या जाळ्यात अडकत चालला असल्याचे दिसत आहे. कारण महत्वाच्या भारताच्या फिरकी गोलंदाजाने या तिन्ही सामन्यांमध्ये जास्त धावा दिल्याचे पाहायला मिळाले आहे. इंग्लंडच्या फलंदाजांनी या मालिकेत सर्वाधिक धावा या फिरकीपटू युजवेंद्र चहलच्या गोलंदाजीवर फटकावल्याचे पाहायला मिळत आहे. गेल्या सामन्यातही चहलच्या गोलंदाजीवर तब्बल ४१ धावा निघाल्या होत्या. त्यामुळे चहल हा भारतासाठी धोकादायक ठरत असल्याचेच दिसत आहे. पण चहलला जर संघातून बाहेर काढायचे असेल तर भारतीय संघापुढे हे काही पर्याय नक्कीच आहेत. पण चहल हा कर्णधार विराट कोहलीचा आवडता गोलंदाज असल्यामुळे त्याला अजूनही संघातून बाहेर करण्यात आलेले नाही, असे चाहते म्हणत आहेत. चहलला बऱ्याच संधी दिल्या जात असल्या तरी कुलदीप यादवने चांगली कामगिरी करूनही त्याला संघात स्थान दिलेले नाही. चहलला जर संघाबाहेर काढायचे असेल तर त्यासाठी भारतीय संघापुढे दोन पर्याय आहेत. चहलच्या जाही पहिली पसंती ही अक्षर पटेलला देण्यात येऊ शकते. कारण अक्षर हा डावखुरा गोलंदाज आहे, त्याचबरोबर तो चांगली फलंदाजीही करू शकतो. अक्षर हा गेले काही दिवस भारतीय संघाबरोबरही आहे. त्यामुळे अक्षर हा भारतीय संघासाठी चहलचा पर्याय ठरू शकतो. जर भारतीय संघाला चहलच्या जागी दुसरा लेग स्पिनर संघात हवा असेल, तर त्यासाठी राहुल चहर हा एक चांगला पर्याय ठरू शकतो. कारण आतापर्यंत आयपीएलमध्ये चहरने चांगली फिरकी गोलंदाजी केली आहे आणि त्याच जोरावर त्याने संघात स्थानही पटकावले आहे. त्यामुळे चहलच्या जागी राहुल चहर हादेखील एक चांगला पर्याय ठरू शकतो. कारण एका बाजूने वॉशिंग्टव सुंदर हा चांगली गोलंदाजी करताना पाहायला मिळत आहे. त्यामुळे सुंदरला यावेळी जर दुसऱ्या फिरकीपटूकडून चांगली साथ मिळाली तर नक्कीच त्याचा फायदा भारतीय संघाला होऊ शकतो.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3trmrAn
No comments:
Post a Comment