Ads

Wednesday, March 17, 2021

भन्नाट... अखेरच्या षटकारापर्यंत रंगलेल्या सामन्यात भारताने मिळवला विजय

नवी दिल्ली : अखेरच्या षटकापर्यंत रंगलेल्या सामन्यात अखेर भारताने बाजी मारली आणि १२ धावांनी सामना जिंकला. भारताने रोड सेफ्टीसाठी क्रिकेट सामन्यांच्या या स्पर्धेत आज वेस्ट इंडिजवर अखेरच्या षटकात धावांनी विजय मिळवला. अखेरच्या षटकामध्ये वेस्ट इंडिजला विजयासाठी १७ धावांची गरज होती. पण इरफान पठाणने यावेळी फक्त चार धावा देत एक बळी मिळवला आणि भारताच्या विजयात मोलाचा वाटा उचलला. भारतीय संघाने प्रथम फलंदाजी करताना २१८ धावा केल्या होत्या. यामध्ये भारताचा माजी महान क्रिकेटपटू सचिन तेंडुलकरच्या अर्धशतकाचा समावेश होता. त्याचबरोबर युवराज सिंगनेही यावेळी षटकारांचा वर्षाव करत वादळी खेळी साकारली होती. भारताच्या या आव्हानाचा पाठलाग करताना वेस्ट इंडिजला २०६ धावांवर समाधान मानावे लागले. वेस्ट इंडिजच्या संघाने यावेळी नाणेफेक जिंकून भारतीय संघाला प्रथम फलंदाजीसाठी पाचारण केले. सचिन तेंडुलकरने यावेळी भारताला चांगली सुरुवात करुन दिली. सचिनने यावेळी ४२ चेंडूंमध्ये सहा चौकार आणि तीन षटकारांच्या जोरावर ६५ धावा केल्या. सचिन बाद झाला आणि मैदानात युवराज नावाचे वादळ घोंघावले. कारण युवराजने यावेळी फक्त २० चेंडूंमध्ये नाबाद ४९ धावांची तुफानी खेळी साकारली. युवराजच्या या वादळी खेळीमध्ये सहा षटकारांचा समावेश होता. युवराजने फक्त १० चेंडूंमध्ये हे सहा षटकार खेचल्याचे पाहायला मिळाले. युवराजच्या या षटकारांनी चाहत्यांना पहिल्या ट्वेन्टी-२० सामन्याची आठवण आली. युवराजने यावेळी एकाच षटकात तब्बल चार षटकार लगावल्याचे पुन्हा पाहायला मिळाले. यापूर्वी झालेल्या दक्षिण आफ्रिकेविरुद्धच्या सामन्यातही दमदार फलंदाजी केली होती. वेस्ट इंडिजच्या संघाचे नेतृत्व महान फलंदाज ब्रायन लाराकडे सोपवण्यात आले होते. भारताच्या आव्हानाचा पाठलाग करताना वेस्ट इंडिजला १९ धावांवरच पहिला धक्का बसला. पण त्यानंतर धडाकेबाज सलामीवीर ड्वेन स्मिथने संघाला दणकेबाज सुरुवात करुन दिली. स्मिथने यावेळी ३६ चेंडूंत ९ चौकार आणि दोन षटकारांच्या जोरावर ६३ धावांची खेळी साकारली. त्याला नरसिंग देवनारायणची चांगली साथ मिळाली. नरसिंगने यावेळी ४४ चेंडूंत पाच चौकार आणि दोन षटकारांच्या जोरावर ५९ धावांची खेळी साकारली. स्मिथ आणि नरसिंग यांनी यावेळी वेस्ट इंडिजला दुसऱ्या विकेटसाठी ९९ धावांची भागीदारी रचून दिली. पण भारताचा वेगवान गोलंदाज इरफान पठाणने स्मिथला बाद करत ही जोडी फोडली. स्मिथ बाद झाल्यावर ब्रायन लाराने २८ चेंडूंत ४६ धावा फटकावल्या खऱ्या पण त्याला संघाला विजय मिळवून देता आला नाही.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2P3vV5K

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...