नवी दिल्ली : सध्याच्या घडीला भारताचा धडाकेबाज सलामीवीर वीरेंद्र सेहवागचे एक ट्विट चांगलेच व्हायरल झाले आहे. या ट्विटमध्ये सेहवागने पाकिस्तानचे माजी कर्णधार आणि पंतप्रधान इम्रान खान यांचा फोटो वापरला आहे. सेहवागने इम्रान खान यांचा फोटो वापरुन एक संदेशही लिहीला आहे. इंडिय लिजंड्सच्या संघाने काल वेस्ट इंडिजवर अखेरच्या षटकामध्ये विजय मिळवला. वेस्ट इंडिजला अखेरच्या षटकामध्ये विजयासाठी १७ धावांची गरज होती. पण वेस्ट इंडिजला भारताच्या भेदक गोलंदाजीपुढे फक्त चार धावा काढता आल्या आणि भारतीय संघाने १२ धावांनी विजय मिळवत अंतिम फेरीत दिमाखात प्रवेश केला. या विजयानंतर सेहवागने हे ट्विट केल्याचे पाहायला मिळत आहे. या ट्विटमध्ये सेहवागने इम्रान यांचा फोटो वापरला असून त्यामध्ये त्याने एक संदेश लिहिला आहे. इम्रान हे बऱ्याच वेळेला आपने घबराना नही हैं... असं म्हणत असतात. सेहवागने हेच वाक्य आपल्या संदेशामध्ये वापरलं आहे. सेहवागने आपल्या संदेशामध्ये लिहिले आहे की, " शेवटच्या क्षणी थोडं धकधक नक्कीच होत होतं, पण तुम्हाला घाबरण्याची गरज नाही...." भारत आणि वेस्ट इंडिज यांच्या सामन्यात नेमकं घडलं तरी काय, पाहा...सचिन तेंडुलकरच्या नेतृत्वाखालील भारतीय संघाने बुधवारी रोड सेफ्टीसाठी क्रिकेट सामन्यांच्या या स्पर्धेत आज वेस्ट इंडिजवर अखेरच्या षटकात १२ धावांनी विजय मिळवला. अखेरच्या षटकामध्ये वेस्ट इंडिजला विजयासाठी १७ धावांची गरज होती. पण इरफान पठाणने यावेळी फक्त चार धावा देत एक बळी मिळवला आणि भारताच्या विजयात मोलाचा वाटा उचलला. भारतीय संघाने प्रथम फलंदाजी करताना २१८ धावा केल्या होत्या. यामध्ये भारताचा माजी महान क्रिकेटपटू सचिन तेंडुलकरच्या अर्धशतकाचा समावेश होता. त्याचबरोबर युवराज सिंगनेही यावेळी षटकारांचा वर्षाव करत वादळी खेळी साकारली होती. भारताच्या या आव्हानाचा पाठलाग करताना वेस्ट इंडिजला २०६ धावांवर समाधान मानावे लागले होते, त्यामुळे भारताने या सामन्यात १२ धावांनी विजय मिळवला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3eTEWt8
No comments:
Post a Comment