अहमदाबाद : भारताचा कर्णधार विराट कोहलीच्या नावावर ट्वेन्टी-२० क्रिकेटमधील एक नकोसा विक्रम जमा झाला आहे. कारण २०१९ पासून विराटची कामगिरी चांगली होत नसल्याचे पाहण्यात आले आहे. त्यामुळेच कोहलीच्या नावावर हा नकोसा विक्रम जमा झाला आहे. भारतीय क्रिकेटपटूंचे क्षेत्ररक्षण हा सध्याच्या घडीला चर्चेचा विषय आहे. कारण गेल्या काही सामन्यांमध्ये भारतीय संघाकडून गचाळ क्षेत्ररक्षण झाले आहे. त्यामुळेच भारताला काही सामने गमवावे लागले आहेत. कोहली हा एक चांगला क्षेत्ररक्षक समजला जातो, पण त्याच्या नावावर आता नकोसा विक्रम जमा झाला आहे. कारण २०१९ पासून ट्वेन्टी-२० क्रिकेटमध्ये सर्वाधिक झेल कोहलीने सोडल्याचे पाहायला मिळाले आहे. कोहलीने २०१९ पासून ट्वेन्टी-२० क्रिकेटमध्ये सर्वाधिक सहा झेल सोडल्याचे पाहायला मिळाले आहे. आयपीएलमध्येही कोहलीकडून काही झेल सुटले होते. त्यानंतर ऑस्ट्रेलियाच्या दौऱ्यातही कोहलीकडून चांगले क्षेत्ररक्षण झाले नव्हते. त्याचबरोबर इंग्लंडविरुद्धच्या मालिकेतही कोहलीकडून चांगले क्षेत्ररक्षण पाहायला मिळालेले नाही. कोहलीनंतर या यादीमध्ये काही आंतरराष्ट्रीय क्रिकेटपटूंचाही समावेश आहे. कोहलीनंतर २०१९ सालापासून आतापर्यंत सर्वाधिक झेल इंग्लंडच्या ख्रिस जॉर्डनने सोडले आहेत. सध्याच्या घडीला जॉर्डन हा भारताविरुद्धच्या मालिकेत खेळत आहे. जॉर्डननंतर या यादीमध्ये युजवेंद्र चहल आणि ऑस्ट्रेलियाचा माजी कर्णधार स्टीव्हन स्मिथ यांचा समावेश आहे. कारण या दोघांनी आतापर्यंत प्रत्येकी चार झेल सोडलेले आहेत. कोहलीने आतापर्यंत भारताच्या क्षेत्ररक्षणावर बरीच टीका केली आहे. त्याचबरोबर त्याने संघाचा फिटनेस आणि देहबोली यांच्यावरही भाष्य केले आहे. भारतीय संघाच्या वाईट क्षेत्ररक्षणाबद्दल बोलत असताना कोहलीकडूनच सर्वाधिक चुका झाल्याचे आता पाहायला मिळत आहे. त्यामुळे कोहली आपल्या क्षेत्ररक्षणामध्ये कशी सुधारणा करतो, याकडे सर्वांचे लक्ष असेल. कोहलीवर माजी क्रिकेटपटू गौतम गंभीर चांगलाच भडकलेला होता. कोहली प्रत्येक वेळेला विश्वचषकाच्या तयारीचे नाव घेत असत, पण त्यासाठी तो नेमकं करतोय तरी काय हेच कळत नाही. गंभीर यावेळी म्हणाला की, " सूर्यकुमार यादवला एकही चेंडू खेळू न देता संघातून बाहेर काढण्यात आले. जर एखाद्या खेळाडूला तुम्ही संधी देता तेव्हा तुम्हाला त्याला किमान ३-४ सामने खेळावायला हवेत. कारण या ३-४ सामन्यांमध्ये त्याची कामगिरी कशी होते आणि त्याला संघात कायम ठेवता येऊ शकते किंवा नाही, हे तुम्ही ठरवू शकता. जर सूर्यकुमारला तिसऱ्या सामन्यात संधी दिली असती तर तो कशी फलंदाजी करू शकतो, हे समजले असते आणि विश्वचषकासाठी त्याचा नावाचा विचार करता आला असता."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ltbLyh
No comments:
Post a Comment