अहमदाबाद, : भारतीय संघाला इंग्लंडविरुद्धच्या तिसऱ्या ट्वेन्टी-२० सामन्यात पराभव पत्करावा लागला. पण या पराभवाचे एकमेव महत्वाचे कारण आता समोर आले आहे. भारताचा माजी क्रिकेटपटू अजय जडेजाने यावेळी भारताच्या पराभवाचे महत्वाचे एकमेव कारण सांगितले आहे. यावेळी जडेजा म्हणाला की, " भारतीय संघ फलंदाजी करताना खेळाडूंचा चांगला क्रम लावत नसल्याचे पाहायला मिळत आहे. कारण हार्दिक पंड्यासारख्या दमदार खेळाडूला आतापर्यंत चांगली कामगिरी करता आलेली नाही. कारण पंड्या जेव्हा खेळायला येतो तेव्हा त्याला जास्त वेळ मिळत नाही. पंड्याला सहाव्या किंवा सातव्या क्रमांकावर ठेवले जाते आणि त्याला बढतीही दिली जात नाही. त्यामुळे भारतीय संघाने फलंदाजीच्या क्रमात थोडा बदल नक्कीच करायला हवा." जडेजा पुढे म्हणाला की, " हार्दिक पंड्या, रिषभ पंत आणि श्रेयस अय्यर हे असे खेळाडू आहेत की त्यांना एकाच स्थानावर खेळवायला हवे. वेगवेगळ्या परिस्थीतीमध्ये ते एकाच स्थानावर कशी फलंदाजी करतात, हे त्यावेळी पाहता येऊ शकते. पण भारताच्या फलंदाजी क्रमात सातत्याने बदल झालेला पाहायला मिळतो आणि हीच गोष्ट भारतीय संघाच्या पथ्यावर पडताना दिसत नाही." भारतीय संघ रिषभ पंतला पाचव्या क्रमांकावर ठेवत असला तरी त्याला बढती देऊन चौथ्या क्रमांकावर बऱ्याचदा आणले जाते. त्याचबरोबर श्रेयस अय्यरला चौथा क्रमांक ठरवून दिला असला तरी त्याला या स्थानावर जास्त फलंदाजी करायला मिळत नाही. भारतीय संघ जर विश्वचषकाच्या दृष्टीने विचार करत असेल तर त्यांनी प्रत्येक खेळाडूला आपली भूमिका समजवून सांगायला हवी. त्याचबरोबर त्याचे स्थानही ठरवून द्यायला हवे. पण दुसऱ्या सामन्यात जिथे इशान किशन सलामीला आला होता आणि अर्धशतक झळकावले होते. त्यानंतर इशानला तिसऱ्या ट्वेन्टी-२० सामन्यात तिसऱ्या क्रमांकावर फलंदाजीला पाठवण्यात आले. त्याचबरोबर एकही चेंडू न खेळता सूर्यकुमार यादवला यावेळी संघातून बाहेर काढण्याचा निर्णय घेण्यात आला. त्यामुळे आता तिसऱ्या सामन्यात संघात नेमके कोणते बदल होतात, हे पाहणे उत्सकतेचे असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2QktWuD
No comments:
Post a Comment