IPL च्या सर्वोत्तम संघाचे नेतृत्व रोहित ऐवजी विराट कोहलीकडे!

नवी दिल्ली: आयपीएलचा १३वा हंगाम संपला, मुंबई इंडियन्सने विक्रमी पाचवे विजेतेपद मिळवले. ही स्पर्धा झाल्यानंतर अनेक जण ८ संघांतील खेळाडूंमधून सर्वोत्तम संघाची निवड करत आहेत. भारताचा माजी कर्णधार विरेंद्र सेंहनाग याने देखील त्याची आयपीएलमधील सर्वोत्तम टीम तयार केली आहे. सेहवागने या संघाचे नेतृत्व रॉयल चॅलेंजर्स बेंगळुरूचा कर्णधार विराट कोहलीकडे दिले आहे. पण धक्कादायक म्हणजे सेहवागने मुंबई इंडियन्सचा कर्णधार रोहित शर्माला संघात स्थान दिले गेले नाही. रोहितने आयपीएलची पाच विजेतेपदे मिळवली आहेत. असे असून देखील त्याला संघात स्थान न दिल्याबद्दल आश्चर्य वाटत आहे. या संघात सेहवागने सलामीवीर म्हणून किंग्ज इलेव्हन पंजाबचा कर्णधार केएल राहुल आणि रॉयल चॅलेंजर्सचा सलामीवीर देवदत्त पडिक्कल यांना स्थान दिले आहे. राहुलने आयपीएल २०२० मध्ये सर्वाधिक धावा केल्या आहेत. त्यानंतर सूर्यकुमार यादव आणि यांचा समावेश केला आहे. पाचव्या क्रमांकावर सनरायजर्स हैदराबादचा कर्णधार डेव्हिड वॉर्नर याला स्थान दिले गेले आहे. कर्णधारपद विराट कोहलीकडे द्यायचे की डेव्हिड वॉर्नरकडे याबाबत मी थोडा कन्य्फूज होतो. पण विराट कोहली चांगला पर्याय आहे. तो सलामीवीर किंवा मधल्या फळीत खेळू शकतो. एबी डिव्हिलियर्स सहाव्या क्रमांकावर आहे. एबीला पोलार्ड आणि हार्दिक या खेळाडूंकडून चांगली टक्कर मिळाल्याचे तो म्हणाला. गोलंदाजीच सेहवागने दिल्ली कॅपिटल्सचा कागिसो रबाडा आणि जसप्रित बुमराह यांना स्थान दिले आहे.त्याच बरोबर किंग्ज इलेव्हनच्या मोहम्मद शमी यांचा समावेश केला आहे. फिरकीपटूंमध्ये युजवेंद्र चहल आणि राशिद खान यांचा समावेश सेहवागने केलाय. त्याच बरोब स्पर्धेत ३० षटकार मारणाऱ्या इशान किशनचा समावेश १२वा खेळाडू म्हणून करण्यात आलाय. सेहवागने जसा रोहित शर्माचा समावेश केला नाही तसाच त्याने ट्रेंट बोल्टचा देखील केला नाही. तो या हंगामात पॉवर प्लेचा सर्वात यशस्वी गोलंदाज ठरलाय. असा आहे सेहवागने निवडलेला आयपीएलमधील सर्वोत्तम खेळाडूंचा संघ १) केएल राहुल (KXIP) २) देवदत्त पडिक्कल (RCB) ३) सूर्यकुमार यादव (MI) ४) विराट कोहली, कर्णधार (RCB) ५) डेव्हिड वॉर्नर(SRH) ६) एबी डिव्हिलियर्स(RCB) ७) राशिद खान (SRH) ९) कागिसो रबाडा(DC) १०) जसप्रित बुमराह (MI) ११) मोहम्मद शमी (KXIP) १२) इशान किशन (MI)

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2IAnBHZ