tour of , सिडनी : ऑस्ट्रेलियाच्या दौऱ्यावर गेलेल्या भारतीय संघ आणि चाहत्यांसाठी एक आनंदाची बातमी आज आली आहे. भारताचा एक खेळाडू दुखापतग्रस्त झाला होता, त्यामुळे तो या दौऱ्यात खेळणार की नाही, याबाबत प्रश्नचिन्ह उपस्थित झाले होते. पण आता हा खेळाडू फिट झाला असून त्याला फलंदाजी करतानाचा व्हिडीओ चांगलाच व्हायरल झाला आहे. दुखापतीमुळे भारताच्या वृद्धिमान साहाला आयपीएलच्या दोन सामन्यांमध्ये खेळता आले नव्हते. पण दुखापतग्रस्त असतानाही साहाला भारतीय संघात स्थान देण्यात आले होते. साहा आता पूर्णपणे फिट झालेला दिसत आहे. कारण साहाने ऑस्ट्रेलियामध्ये फलंदाजीचा सराव केल्याचे पाहायला मिळत आहे. बीसीसीआयने हा व्हिडीओ आपल्या ट्विटरवर पोस्ट केला असून तो चांगलाच व्हायरल झालेला पाहायला मिळत आहे. आयपीएलमध्ये साहा सनरायझर्स हैदराबादकडून खेळत होता. हैदराबादकडून खेळताना साहाची बॅट चांगलीच तळपलेली पाहायला मिळाली होती. पण त्याच्या दोन्ही पायांचे स्नायू दुखावले होते. त्यामुळे त्याला एलिमिनेटर आणि क्वालिफायर-२ या सामन्यांमध्ये खेळता आले नव्हते. एलिमिनेटर सामन्यात हैदराबादने विजय मिळवला होता. त्यामुळे त्यांना क्वालिफायर-२ या सामन्यात प्रवेश मिळाला होता. पण या सामन्यात त्यांना दिल्ली कॅपिटल्सच्या संघाकडून पराभव पत्करावा लागला आणि त्यांचे या स्पर्धेतील आव्हान संपुष्टात आले होते. आयपीएल संपल्यावर भारतीय संघ काही तासांमध्येच ऑस्ट्रेलियाच्या दौऱ्यासाठी रवाना झाला होता. भारतीय संघ यावेळी नव्या गणवेशामध्ये पाहायला मिळाला होता. ऑस्ट्रेलियामध्ये पोहोचल्यावर भारतीय संघांतील खेळाडूंसह सपोर्ट स्टाफची करोना चाचणी झाली होती. त्यानंतरच भारतीय संघाला सराव करण्याची परवानगी देण्यात आली होती. असा आहे वनडे मालिका१) पहिली वनडे- २७ नोव्हेंबर, सिडनी २) दुसरी वनडे- २९ नोव्हेंबर, सिडनी ३) तिसरी वनडे- २ डिसेंबर, मानकुआ ओव्हल टी-२० मालिका१) पहिली टी-२०: ४ डिसेंबर, मानकुआ ओव्हल २) दुसरी टी-२०: ६ डिसेंबर, सिडनी ३) तिसरी टी-२०: ८ डिसेंबर, सिडनी सराव लढती६ ते ८ डिसेंबर- सराव सामना, ड्रमोनी ओव्हल, सिडन ११-१३ डिसेंबर- सराव सामना (डे-नाइड), सिडनी कसोटी मालिका१) पहिली कसोटी- १७ ते २१ डिसेंबर, एडिलेड ओव्हल २) दुसरी कसोटी- २६ ते ३० डिसेंबर, मेलबर्न ३) तिसरी कसोटी- ७ ते ११ जानेवारी २०२१, सिडनी ४) चौथी कसोटी- १५ ते १९ जानेवारी, २०२१, गाबा
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/32VeHM8
No comments:
Post a Comment