सिडनी: भारतीय संघ सध्या ऑस्ट्रेलियाच्या दौऱ्यावर आहे. येत्या २७ तारखेपासून दोन्ही संघात ३ सामन्यांची वनडे मालिका सुरू होईल. त्यानंतर ३ सामन्यांची टी-२० मालिका आणि मग चार सामन्यांची कसोटी मालिका सुरू होणार आहे. पण आता भारतीय दौऱ्यातील कसोटी मालिकेवर संशयाचे ढग तयार झाले आहेत. भारत आणि ऑस्ट्रेलिया यांच्यातील पहिली कसोटी १७ डिसेंबर रोजी खेळवली जाणार आहे. पण एडिलेट येथे पुन्हा एकदा करोना व्हायरस रुग्णांची संख्या वाढली आहे. याच शहरात पहिली कसोटी खेळवली जाणार आहे. पूर्व ऑस्ट्रेलिया आणि तस्मानिया या दोन्ही संघात काही दिवसातच एडिलेट येथे देशांतर्गत सामना झाला होता. आता या संघांना होम आयसोलेशनचा सल्ला दिला गेला आहे. येथील स्थानिक सरकारने राज्याच्या सीमा सील केल्या आहेत. वाचा- ऑस्ट्रेलियाचा कसोटी कर्णधार टीम पेन सध्या तस्मानिया येथे आहे. तर युवा फलंदाज कॅमरन ग्रीन पर्थ (पूर्व ऑस्ट्रेलिया) येथे आहे. २७ नोव्हेंबरच्या आधी म्हणजेच पहिल्या वनडेआधी हे दोघे ही सिडनीमध्ये दाखल होईल अशी आशा आहे. वाचा- क्रिकेट ऑस्ट्रेलिया एडिलेड येतील करोना परिस्थितीवर लक्ष ठेवून आहेत. भारताच्या दौऱ्यात सुरूवातीच्या कार्यक्रमात आधीच बदल केले गेले आहेत. ऑस्ट्रेलियाचा उपकर्णधार पॅट कमिंसने सोमवारी सांगितले की, क्रिकेट बोर्ड परिस्थितीवर जर ठेवून आहे. ज्या गोष्टीची आवश्यकता आहे ते सर्व केले जाईल असे कमिंस म्हणाला. वाचा- भारत आणि ऑस्ट्रेलिया मालिकेचे वेळापत्रक जाणून घ्या आणि हे सामने कुठे पाहाल.... वनडे मालिका १) पहिली वनडे- २७ नोव्हेंबर, सिडनी २) दुसरी वनडे- २९ नोव्हेंबर, सिडनी ३) तिसरी वनडे- २ डिसेंबर, मानकुआ ओव्हल (हे सर्व सामने भारतीय वेळेनुसार सकाळी ९.१० वाजता सुरू होतील) --- टी-२० मालिका १) पहिली टी-२०: ४ डिसेंबर, मानकुआ ओव्हल २) दुसरी टी-२०: ६ डिसेंबर, सिडनी ३) तिसरी टी-२०: ८ डिसेंबर, सिडनी (हे सर्व सामने भारतीय वेळेनुसार दुपारी १.४० वाजता सुरू होतील)--- सराव लढती ६ ते ८ डिसेंबर- सराव सामना, ड्रमोनी ओव्हल, सिडन ११-१३ डिसेंबर- सराव सामना (डे-नाइड), सिडनी --- कसोटी मालिका १) पहिली कसोटी- १७ ते २१ डिसेंबर, एडिलेड ओव्हल- डे/नाईट २) दुसरी कसोटी- २६ ते ३० डिसेंबर, मेलबर्न ३) तिसरी कसोटी- ७ ते ११ जानेवारी २०२१, सिडनी ४) चौथी कसोटी- १५ ते १९ जानेवारी, २०२१, गाबा ( पहिली डे नाइट कसोटी भारतीय वेळेनुसार सकाळी ९.३० वाजता. सुरु होईल. तर अन्य तीन सामने पहाटे ५ वाजता सुरू होणार आहेत)
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fiuBoZ
No comments:
Post a Comment