मुंबई: इंग्लंडविरुद्ध होणाऱ्या वनडे मालिकेसाठी भारतीय संघाची शुक्रवारी निवड करण्यात आली. बीसीसीआयने १८ जणांची निवड केली असून या संघात मुंबईच्या सूर्यकुमार यादव( )ला स्थान देण्यात आले आहे. वाचा- सूर्यकुमारने कालच (गुरुवारी) इंग्लंडविरुद्ध झालेल्या चौथ्या टी-२० सामन्यात अर्धशतक झळकावले होते. हा त्याचा दुसरा आंतरराष्ट्रीय सामना होता. याआधी इंग्लंडविरुद्ध झालेल्या दुसऱ्या टी-२० सामन्यात त्याला स्थान मिळाले होते. पण फलंदाजी करण्यास मिळाले नव्हते. वाचा- सूर्यकुमारने पहिल्याच डावात सर्वांना प्रभावित केले. त्याने आंतरराष्ट्रीय करिअरच्या पहिल्याच चेंडूवर षटकार मारला. त्याने जोफ्रा आर्चरच्या गोलंदाजीवर हा षटकार मारला. चौथ्या सामन्यात इंग्लंडने नाणेफेक जिंकून प्रथम गोलंदाजी करण्याचा निर्णय घेतला. रोहित शर्मा १५ धावांवर बाद झाल्यानंतर सूर्यकुमार फलंदाजीला आला. त्याने आर्चरचा पहिलाच चेंडू फाइन लेगला सीमा रेषेबाहेर पाठवला. सूर्यकुमारची ही सुरुवात पाहून कर्णधार विराट कोहली देखील दंग झाला. वाचा- वाचा- इंग्लंडविरुद्ध सूर्यकुमारने ३१ चेंडूत ५७ धावा केल्या. यात ३ षटकार आणि ६ चौकारांचा समावेश होता. त्याच्या धमाकेदार खेळीमुळे भारताला मोठी धावसंख्या उभी करता आली आणि संघाने ८ विकेटनी विजय मिळवला. सामना झाल्यानंतर सूर्यकुमारला मॅन ऑफ द मॅचचा पुरस्कार मिळाला. इतक नव्हे तर त्याची आता भारतीय वनडे संघात देखील निवड झाली. वाचा- ज्या शॉटने सूर्यकुमार यादवने आंतरराष्ट्रीय करिअरची सुरूवात केली. त्याबद्दल बोलताना तो म्हणाला, मी त्याला (आर्चर) आयपीएल आणि आंतरराष्ट्रीय सामन्यात पाहिले आहे की नवा फलंदाज जेव्हा मैदानावर येतो तेव्हा आर्चर त्याला बॅकफुटवर ठेवण्याचा प्रयत्न करतो. मी आयपीएलमध्ये त्याच्याविरुद्ध खेळलो आहे. कल्पना होती की तो पॉवर प्लेमध्ये कशा प्रकारचा चेंडू टाकतो. मीआधीच तयार होतो. तो शॉट मी खुप आधीपासून खेळत आलोय.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38V3j5Q
No comments:
Post a Comment