Ads

Thursday, March 18, 2021

IND vs ENG : भारताचा इंग्लंडवर दमदार विजय, मालिकेत केली बरोबरी

अहमदाबाद, : चौथ्या सामन्यात भारताने इंग्लंडवर विजय मिळवला. या विजयासह भारताने मालिकेत २-२ अशी बरोबरी केली आहे. त्यामुळे आता पाचवा सामना जो जिंकेल तोच मालिकेत बाजी मारेल. भारताने इंग्लंडपुढे विजयासाठी १८६ धावांचे आव्हान ठेवले होते. या आव्हानाचा इंग्लंडने चांगला पाठलाग केला, पण त्यांना विजय मिळवता आला नाही. भारताच्या १८६ धावांच्या आव्हानाचा पाठलाग करत असताना इंग्लंडची सुरुवात चांगली झाली नाही. कारण इंग्लंडला १५ धावसंख्येवर पहिला धक्का बसला. जोस बटलर यावेळी बाद झाला. पण बटलर बाद झाला असला तरी जेसन रॉय मात्र भारताच्या गोलंदाजीवर चांगला प्रहार करत असल्याचे पाहायला मिळत होते. त्यावेळी डेव्हिड मलानही मोठी फटकेबाजी करेल, असे वाटत होते. पण राहुल चहरने यावेळी मलानला त्रिफळाचीत केले आणि इंग्लंडला दुसरा धक्का दिला. दोन धक्क्यानंतरही रॉय चांगली फटकेबाजी करत होता. पण हार्दिक पंड्याला मोठा फटका मारण्याच्या नादात यावेळी रॉय आऊट झाला, रॉयने यावेळी ४० धावा केल्या. रॉय बाद झाल्यावर इंग्लंडची धावगीत कमी झाल्याचे पाहायला मिळाले. त्यानंतर बेन स्टोक्सने दमदार फलंदाजी करत इंग्लंडची धावगती वाढवली, पण मोठा फटका मारण्याच्या नादात स्टोक्स मोक्याच्या क्षणी बाद झाला आणि सामन्याला कलाटणी मिळाली. तत्पूर्वी, सूर्यकुमार यादवच्या झंझावाती अर्धशतकाच्या जोरावर भारताला प्रथम फलंदाजी करताना १८५ धावा करता आल्या. सूर्यकुमार २८ चेंडूंत आपले पहिले अर्धशतक साकारले. पण त्यानंतर मोठा फटका मारण्याच्या नादात सूर्यकुमार बाद झाला. सूर्यकुमारने यावेळी ३१ चेंडूंत सहा चौकार आणि तीन षटाकारांच्या जोरावर ५७ धावांची दमदार खेळी साकारली. रोहितने पहिल्याच चेंडूवर षटकार लगावत संघाला झोकात सुरुवात करुन दिली, पण रोहितला यावेळी १२ धावांवर समाधान मानावे लागले. चौथ्या सामन्यातही यावेळी लोकेश राहुल अपयशी ठरल्याचे पाहायला मिळाले. कारण राहुलला या सामन्यात १७ चेंडूंमध्ये फक्त १४ धावाच करता आल्या. त्याचबरोबर भारताचा कर्णधार विराट कोहलीही यावेळी अपयशी ठरल्याचे पाहायला मिळाले. कोहलीला यावेळी फक्त एकाच धावेवर समाधान मानावे लागले. एका बाजूने विकेट्स पडत असल्या तरी सूर्यकुमार इंग्लंडच्या गोलंदाजांचा यावेळी चांगलाच समाचार घेत होता. रिषभ पंतबरोबर सूर्यकुमारनेही यावेळी आक्रमक फलंदाजी केली. सूर्यकुमार बाद झाल्यावर पंत आणि श्रेयस अय्यर यांनी काही चांगले फटके मारले खरे, पण त्यांना मोठी खेळी साकारण्यात यावेळी अपयश आले.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39bZjhJ

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...