अहमदाबाद, : तिसऱ्या ट्वेन्टी-२० सामन्यानंतर आता भारताच्या संघ निवडीवर जोरदार टीका होता आहे. त्याचबरोबर भारताचे माजी क्रिकेटपटू आणि समाचेलक संजय मांजरेकर यांनी इशान किशनबाबत घेतलेल्या निर्णयावर जोरदार टीका केल्याचे पाहायला मिळत आहे. इशानला दुसऱ्या ट्वेन्टी-२० सामन्यात पदार्पण करण्याची संधी देण्यात आली होती. आपल्या पहिल्याच सामन्यात इशानने अर्धशतक झळकावत आपली निवड सार्थ असल्याचे दाखवून दिले होते. पण त्यानंतरच्या सामन्यात मात्र इशानला फक्त चार धावांवरच समाधान मानावे लागले. त्यानंतर मांजरेकर यांनी भारतीय संघावर टीका केल्याचे पाहायला मिळाले आहे. यावेळी मांजरेकर म्हणाले की, " पहिल्याच सामन्यात इशान किशनने शानदार खेळी साकारली. पण त्यानंतरच्या दुसऱ्याच सामन्यात त्याला सलामीला का पाठवण्यात आले नाही, हे माझ्या विचाराच्या पलीकडचे आहे." मांजरेकर यांनी यावेळी इशानलाच तिसऱ्या सामन्यात सलामीला पाठवायला हवे होते, असे म्हटले आहे. कारण इशानने त्यापूर्वीच्या सामन्यात सलामीला येत अर्धशतकी खेळी साकारली होती. त्यामुळे त्याला त्यानंतरच्या सामन्यातही सलामीला पाठवायला हवे होते, असे मांजरेकर यांचे म्हणणे आहे. गौतम गंभीरने की कोहलीवर टीका, म्हणाला...तिसऱ्या ट्वेन्टी-२० सामन्यात एकही चेंडू न खेळता सूर्यकुमार यादवला संघाबाहेर काढण्यात आले. त्याबाबत भारताचा माजी क्रिकेटपटू गौतम गंभीर यावेळी म्हणाला की, " सूर्यकुमार यादवला एकही चेंडू खेळू न देता संघातून बाहेर काढण्यात आले. जर एखाद्या खेळाडूला तुम्ही संधी देता तेव्हा तुम्हाला त्याला किमान ३-४ सामने खेळावायला हवेत. कारण या ३-४ सामन्यांमध्ये त्याची कामगिरी कशी होते आणि त्याला संघात कायम ठेवता येऊ शकते किंवा नाही, हे तुम्ही ठरवू शकता. जर सूर्यकुमारला तिसऱ्या सामन्यात संधी दिली असती तर तो कशी फलंदाजी करू शकतो, हे समजले असते आणि विश्वचषकासाठी त्याचा नावाचा विचार करता आला असता. सध्याच्या घडीला श्रेयस अय्यरला फलंदाजीमध्ये चौथे स्थान देण्यात आले आहे. पण जर तो दुखापतग्रस्त झाला तर त्याच्या जागी तुम्ही सूर्यकुमार यादवला विश्वचषकात खेळवू शकता. पण आता तर तुम्ही त्याला एकही चेंडू न खेळवता संघाबाहेर केले आहे. माझ्यामते हा निर्णय योग्य नाही."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bV6r3J
No comments:
Post a Comment