अहमदाबाद, : इंग्लंडविरुद्धच्या पाचव्या आणि निर्णायक ट्वेन्टी-२० सामन्यासाठी भारतीय संघाची आता निवड करण्यात आली आहे. पाचव्या सामन्याचा संघ निवडण्यापूर्वी कर्णधार विराट कोहलीचे कान भारताचा माजी महान क्रिकेटपटू सचिन तेंडुलकरने टोकले होते. पाचव्या सामन्यासाठी भारतीय संघात काही महत्वाचे बदल झाले आहेत. या सामन्यासाठी लोकेश राहुलला संघातून वगळण्या आले आहे, तर टी. नटराजनचा संघात समावेश करण्यात आला आहे. त्यामुळे आता या सामन्यात रोहित शर्मा आणि विराट कोहली हे सलामीला येतील. भारतीय संघाच्या निवडीवर गेल्या काही दिवसांमध्ये बरेच प्रश्नचिन्ह उपस्थित राहत आहेत. काही खेळाडूंकडून चांगली कामगिरी होत नसतानाही त्यांना संघात कायम ठेवले जात आहे. त्याचबरोबर काही खेळाडूंना फक्त १-२ सामने खेळवून विश्रांती दिली जात आहे. या सर्व प्रकारावर चाहतेही नाराज असल्याचे समजते आहे. सोशल मीडियाच्या माध्यमातून चाहत्यांनी आपली नाराजी व्यक्तही केली आहे. गेल्या चार सामन्यांच्या विचार केला तर लोकेश राहुलने अनुक्रमे १, ०, ०, १४ अशा धावा केल्या आहेत. गेल्या चार सामन्यांमध्ये राहुलला फक्त १५ धावाच करता आल्या आहेत, पण तरीही त्याला सातत्याने संधी मिळत होती. त्यामुळे पाचव्या सामन्यात जर भारतीय संघाला कोणता बदल करायचा असेल, तर राहुलला पाचव्या सामन्यासाठी संघाबाहेर ठेवायला हवे, असे मत बऱ्याच चाहत्यांनी व्यक्त केले होते. त्याचबरोबर रोहित आणि इशान किशन हे दोघेही यापूर्वी मुंबई इंडियन्सच्या संघाकडून खेळले आहेत. त्यामुळे त्यांच्यामध्ये चांगला समन्वय आहे. त्यामुळे पाचव्या सामन्यात रोहित आणि इशान हे चांगली सलामी देऊ शकतील, असे बऱ्याच चाहत्यांना वाटत होते. सचिन नेमकं काय म्हणाला होता, पाहा... एएनआइला दिलेल्या मुलाखतीमध्ये सचिनने सांगितले की, " भारतीय संघात फक्त युवा खेळाडूंनाच संधी द्यावी, असा विचार करता कामा नये. कारण यावेळी युवा खेळाडूंपेक्षा आपल्याला सर्वोत्तम भारतीय संघ कसा निवडता येईल, याकडे लक्ष द्यायला हवे. जेव्हा तुम्ही भारतीय संघाचा विचार करता तेव्हा त्यासाठी वय हा निकष लावता कामा नये. कारण तुम्हाला मैदानात आपला खेळ दाखवायचा असतो आणि त्यासाठी वयाची मर्यादा नसते."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OVjZDr
No comments:
Post a Comment