अहमदाबाद, : चौथ्या ट्वेन्टी-२० सामन्यात भारताचा कर्णधार विराट कोहलीला मैदान सोडावे लागले होते. सामन्याच्या १६व्या षटकानंतर कोहली दुखापतीमुळे मैदानाबाहेर गेला होता आणि त्यानंतर तो मैदानात परतला नव्हता. त्यावेळी रोहित शर्माने भारतीय संघाचे नेतृत्व केले होते. पण आता पाचव्या सामन्यासाठी विराट कोहली फिट आहे की नाही, याची उत्सुकता चाहत्यांना नक्कीच असेल. नेमकं झालं काय होतं, पाहा...भारताचा कर्णधार विराट कोहली सामना सुरु असताना अचानक मैदानातून बाहेर का गेला असा प्रश्न सर्वांना पडला होता. अखेर त्याचे कारण देखील स्वत: विराट कोहलीने सांगितले. तो म्हणाला, "१६व्या षटकानंतर त्याच्या पायाचे स्नायू दुखत होते आणि संभाव्य दुखापतीपासून वाचण्यासाठी मी मैदान सोडण्याचा निर्णय घेतला. फिल्डिंग करताना एक चेंडू पकडण्यासाठी मी पळत पळत ड्राइव्ह मारला. मी चेंडू तर पकडला पण तो ठिक पद्धतीने पकडला नव्हता. त्यानंतर मी आउटफिल्ड सोडून इनर सर्कलमध्ये फिल्डिंग करण्यास आलो. अहमदाबादमध्ये संध्याकाळनंतर तापमानात मोठी घसरण येते. यामुळे त्याचा तुमच्या शरीरावर परिणाम होतो. मला कोणत्याही दुखापतीपासून वाचायचे होते. त्यामुळे मी फिल्डिंग सोडली आणि डगआउटमध्ये येऊन बसलो. " विराट पाचव्या सामन्यात खेळणार की नाही... विराट पाचव्या सामन्यासाठी धोका नको, म्हणून चौथा सामना सुरु असताना मैदानाबाहेर पडला होता. त्यामुळे कोहलीने याबाबत योग्य ती खबरदारी नक्कीच घेतली असेल. पण विराटला खरच काही दुखापत झाली आहे का आणि तो पाचव्या टी-२० लढतीत खेळणार की नाही याबद्दल अद्याप काहीही सांगण्यात आलेले नाही किंवा याबाबत कोणतीही अधिकृत घोषणा करण्यात आलेली नाही. त्यामुळे जेव्हा पाचव्या सामन्याची नाणेफेक होईल, तेव्हाच याबाबतचे अपडेट्स मिळू शकतील. पण विराट जेव्हा मैदानाबाहेर गेला तेव्हाच सामना भारताच्या बाजूने फिरल्याचे पाहायला मिळाले. कारण कोहली मैदानाबाहेर गेल्यानंतर दोन चेंडूंमध्ये भारताला दोन विकेट्स मिळाले आणि सामना त्यांच्याबाजूने फिरला होता. त्यावेळी रोहित शर्मा भारतीय संघाचे नेतृत्व करत होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2QkCy4l
No comments:
Post a Comment