नवी दिल्ली : एखाद्या संघातील महत्त्वाचा खेळाडू दुखापत किंवा अन्य कोणत्याही कारणामुळे संघाबाहेर झाला तर त्याचा फायदा प्रतिस्पर्धी संघाला होतो. भारत आणि इंग्लंड यांच्यातील टी-२० मालिकेनंतर वनडे सामने होणार आहेत. पुण्यात होणाऱ्या तीन सामन्यांच्या वनडे मालिकेत इंग्लंड संघातील महत्त्वाचा गोलंदाज संघाबाहेर होऊ शकतो. वाचा- इंग्लंड संघातील वेगवान गोलंदाज जोफ्रा आर्चरला काही दिवसांपूर्वी दुखापत झाली होती. तरी देखील भारताविरुद्धच्या टी-२० मालिकेत त्याने सर्वाधिक विकेट घेतल्या आहेत. आता आज होणाऱ्या अखेरच्या टी-२० सामन्यानंतर इंग्लंड आणि वेल्स क्रिकेट बोर्डाची अशी इच्छा आहे की जोफ्रा आर्चरला विश्रांती द्यावी. कारण इंग्लंड संघ या वर्षी अनेक महत्त्वाच्या मालिका खेळणार आहे. यामध्ये टी-२० वर्ल्डकपचा देखील समावेश आहे. वाचा- इंग्लंड संघ व्यवस्थापनाच्या मते जोफ्रा आर्चरने अनावश्यक क्रिकेट खेळू नये. कारण इंग्लंड संघाला टी-२० वर्ल्डकप सह एशेज कसोटी मालिका खेळायची आहे. यामुळेच भारताविरुद्ध होणाऱ्या वनडे मालिकेसाठी त्याला विश्रांती दिली जाणार असल्याचे वृत्त डेली मेलने दिले आहे. वाचा- जोफा आर्चरच्या जागी संघात मॅट पार्किंसन आमि जॅक बॉल हे दोन राखीव खेळाडू आहेत. ख्रिस वोक्सचा देखील संघात समावेश केला जाऊ शकते. पण त्याला देखील जो रूट प्रमाणे विश्रांती दिली जाऊ शकते. कारण तो इंग्लंडकडून कसोटी देखील खेळतो. जोफ्राने २०१९च्या वर्ल्डकपनंतर सातत्याने क्रिकेट खेळले आहे. वाचा- भारत आणि इंग्लंड यांच्यात २३ मार्चपासून पुण्यात होणार आहे. वनडे मालिकेसाठी भारतीय संघाची घोषणा झाली आहे. शनिवारी किंवा रविवारी इंग्लंडच्या संघाची घोषणा केली जाऊ शकते. जर संघ व्यवस्थापनाने जोफ्रा आर्चरला विश्रांती देण्याचा निर्णय घेतला तर याचा फायदा भारताला होऊ शकतो. भारतीय फलंदाजांना अडचणीत आणणाऱ्या गोलंदाजांपैकी तो एक आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/30ZQoeD
No comments:
Post a Comment