अहमदाबाद, : इंग्लंडविरुद्धच्या चौथ्या ट्वेन्टी-२० सामन्यात सूर्यकुमार यादवला बाद देण्याचा निर्णय हा वादग्रस्त ठरला होता. या निर्णयावर पहिल्यांदाच सूर्यकुमारने पहिल्यांदाच भाष्य केले असून आपले मौन सोडले आहे. सूर्यकुमारचा झेल यावेळी इंग्लंडच्या डेव्हिड मलानने पकडला होता. त्यावेळी रीप्लेमध्ये झेल पकडताना मलानच्या हाताती चेंडू हा जमिनीला लागलेला पाहायला मिळत होता. त्यानंतरही सूर्यकुमारला पंचांनी बाद दिले आणि हा निर्णय चांगलाच वादग्रस्त ठरला होता. त्यानंतर सोशल मीडियावर चाहत्यांनी पंचांना ट्रोलही केले होते. या निर्णयााबत सूर्यकुमार म्हणाला की, " मी ज्यापद्धतीने बाद झालो, ते पाहता खरं तर मी निराश झालेलो नाही. कारण काही गोष्टी या तुमच्या हातामध्ये नसतात. ज्या गोष्टी माझ्या हातामध्ये आहेत त्यावर नियंत्रण ठेवण्यासाठी मी कटीबद्ध असतो. पण हा निर्णय माझ्या हातामध्ये नक्कीच नव्हता." षटकाराने डावाची सुरुवात करण्याबाबत सूर्यकुमार म्हणाला... सूर्यकुमार गेल्या सामन्यात पहिल्यांदाच फलंदाजीसाठी उतरला होता. यावेळी सूर्यकुमारने षटकारासह आपल्या डावाची सुरुवात केली होती. त्याबाबत सूर्यकुमार म्हणाला की, " ज्यापद्धतीने मी खेळी साकारली, त्याबद्दल मी नक्कीच आनंदी आहे. जेव्हा मी फलंदाजीसाठी गेलो तेव्हा मला नेमकं काय कराचे आहे, हे माझ्या मनात स्पष्ट होते. माझी योजना तयार झालेली होती. मी जोफ्रा आर्चरला आयपीएलच्या गेल्या २-३ सत्रांमध्ये पाहत आलो आहे, त्याचबरोबर मी आर्चरच्या सर्व मॅचेस पाहिल्या आहेत. जेव्हा एखादा नवीन खेळाडू फलंदाजीसाठी येतो, तेव्हा त्याच्याकडे काही तरी योजना असते. माझ्याकडेही फलंदाजीला जाताना योजना होती आणि त्यानुसारच मी खेळ केला." सूर्यकुमार पुढे म्हणाला की, " भारतासाठी तिसऱ्या स्थानावर फलंदाजी करणे ही माझ्यासाठी एक चांगली संधी होती. मला माहिती होते की, फलंदाजीला गेल्यावर माझ्यावर उसळते चेंडू टाकले जाणार आहेत. त्यामुळे या सर्व गोष्टींसाठी मी तयार होतो. त्यामुळेच मी इंग्लंडच्या गोलंदाजीचा चांगल्यापद्धतीने सामना करु शकलो."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OFKaOD
No comments:
Post a Comment