मुंबई : t20i इंग्लंडचा चौथ्या टी-२० सामन्यात पराभव केल्यानंतर माजी कर्णधार मायकल वॉनने पुन्हा एकदा भारतीय संघाचा उल्लेख मुंबई इंडियन्स () असा केला. ()च्या या टीकेला भारताचा माजी क्रिकेटपटू वसीम जाफरने सडेतोड उत्तर दिले. वाचा- अहमदाबादच्या नरेंद्र मोदी स्टेडियमवर झालेल्या चौथ्या सामन्यात भारताने ८ विकेटनी विजय मिळवून मालिकेत २-२ अशी बरोबरी साधली. या सामन्यात भारताकडून सूर्यकुमार यादवने शानदार अर्धशतक झळकावले. त्याच्या खेळीमुळे भारताला मोठी धावसंख्या उभी करता आली. त्यानंतर गोलंदाजीत हार्दिक पंड्याने ४ षटकात फक्त १६ धावा देत २ विकेट घेतल्या. तर अखेरच्या काही षटकात नियमीत कर्णधार विराट कोहलीच्या ऐवजी रोहित शर्माने नेतृत्व केले. रोहितने ज्या पद्धतीने नेतृत्व केले त्यामुळे भारताने विजय मिळवला. भारतीय संघातील हे तिनही खेळाडू आयपीएलमधील मुंबई इंडियन्स संघाकडून खेळतात. वाचा- वॉनने यासंदर्भात ट्वीट करून भारतीय संघावर टीका केली. मी फक्त सांगतोय. सूर्यकुमार यादव मुंबई इंडियन्स, हार्दिक पंड्या मुंबई इंडियन्स, रोहित शर्मा कर्णधार मुंबई इंडियन्स, असे म्हणत वॉनने मुंबई इंडियन्सला टॅग केले आहे. त्याच बरोबर #JustSaying #INDvENG हा हॅशटॅग वापरला आहे. नवव्या षटकात जेव्हा जेसन रॉय बाद झाला त्यानंतर वॉनने हे ट्विट केले. रॉय ४० धावांवर हार्दिक पंड्याच्या चेंडूवर सूर्यकुमार यादवच्या हातात कॅच देऊन बाद झाला. वाचा- ून.... टी-२० मालिका सुरू झाल्यापासून मायकल वॉन सातत्याने भारतीय संघाचा उल्लेख मुंबई इंडियन्स असा करत आहे. तो भारतीय संघातील मुंबईच्या खेळाडूंच्या कामगिरीमुळे विजय मिळत असल्याकडे इशारा करतोय. त्याने तर आयपीएलचे पाच वेळा विजेतेपद मिळवणाऱ्या मुंबई इंडियन्सचा संघ भारतीय संघापेक्षा चांगला असल्याचे म्हटले आहे. वॉनने चौथ्या सामन्यादरम्यान केलेल्या ट्विटनंतर वसीम जाफरने त्याला उत्तर दिले. जेव्हा तुम्ही म्हणता की तुमच्या देशाच्या संघाला एखाद्या राष्ट्रीय संघाने नव्हे तर एका लीग मधील संघाने पराभूत केले तेव्हा तुम्ही विरोधी संघाचा नव्हे तर स्वत:च्या संघाचा अपमान करता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2P5755C
No comments:
Post a Comment