नवी दिल्ली: भारतीय महिला संघ सध्या दक्षिण आफ्रिकेविरुद्ध वनडे मालिका खेळत आहे. पाच सामन्यांच्या मालिकेतील पहिल्या लढतीत पराभव झाल्यानंतर भारताने दुसऱ्या लढतीत शानदार कमबॅक केले आणि मालिकेत १-१ अशी बरोबरी केली. वाचा- भारतीय महिला संघाने दुसरा सामना ९ विकेटनी जिंकला. दुसऱ्या वनडेत भारताने प्रथम गोलंदाजी केली आणि आफ्रिकेला १५७ धावांवर रोखले. झूलन गोस्वामी आणि राजेश्वरी गायकवाडने घातक गोलंदाजी केली. झूलनने ४, राजेश्वरीने ३ विकेट घेतल्या. त्यानंतर फलंदाजीत स्मृतीने ८० तर पूनम राऊतने ६२ धावा केल्या आणि २८.४ षटकात विजय मिळवला. वाचा- या सामन्यात अर्धशतक करणाऱ्या स्मृतीने एक अनोखा विक्रम केला आहे. भारतीय क्रिकेटच्या इतिहासात आजपर्यत कोणत्याही महिला अथवा पुरुष क्रिकेटपटूने धावांचा पाठलाग करताना सलग १० सामन्यात अर्धशतक झळकावले नाही. स्मृतीने फक्त महिलाच नाही तर पुरुषांच्या क्रिकेटमधील सर्व दिग्गजांना मागे टाकले आहे. सलग दहा सामन्यात १० अर्धशतक करणारी ती जगातील पहिली क्रिकेटपटू आहे. वाचा- भारतीय संघाच्या या विजयानंतर संघातील खेळाडू वेदा कृष्णमूर्ती, आकांक्षा कोहली, व्हीआर वनिता, ममता माबेन यांनी ड्रेसिंग रुममध्ये डान्स केला. तमिळ सुपरस्टार विजय याच्या मास्टर चित्रपटातील गाण्यावर त्यांनी डान्स केला. याचा व्हिडिओ वेदाने इंस्टाग्रामवर शेअर केलाय. वाचा- काही दिवसांपूर्वी भारताच्या पुरुष संघातील खेळाडू आर अश्विन आणि कुलदीप यादव यांनी इंग्लंडविरुद्धच्या कसोटी मालिकेदरम्यान जिम वर्कआउट करताना मास्टरच्या गाण्यावर डान्स केला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38qZZ2b
No comments:
Post a Comment