नवी दिल्ली: भारतीय क्रिकेट संघाचा कर्णधार विराट कोहलीने एक नवा इतिहास घडवला आहे. सोशल मीडियावर अशी कामगिरी करणारा तो जगातील पहिला क्रिकेटपटू ठरला आहे. विराटच्या इंस्टाग्रामवर फॉलोअर्सची संख्या १०० मिलियन म्हणजेच १० कोटी इतकी झाली आहे. इंस्टाग्रामवर इतक्या मोठ्या प्रमाणात फॉलोअर्सची संख्या असलेला तो जगातील पहिला क्रिकेटपटू ठरला आहे. वाचा- आधुनिक क्रिकेटमधील सर्वोत्तम फलंदाज असलेल्या विराटचा समावेश १०० मिलियन क्लबमध्ये झाला आहे. अशी कामगिरी करणारा तो क्रीडा जगतातील चौथा तर सेलिब्रेटीमधील २३वा व्यक्ती ठरला आहे. वाचा- याआधी १०० मिलियन क्लबमध्ये पोहोचलेले जे खेळाडू होते ते सर्व फुटबॉलशी संबंधित होते. पोर्तुगालचा स्टार फुटबॉलपटू ख्रिस्टियानो रोनाल्डो (२६६ मिलियन), अर्जेंटिनाचा लियोनेल मेसी (२६६ मिलियन) ब्राझीलचा नेमार (१४७ मिलियन) यांचा क्रमांक लागतो. आता विराट देखील यांच्या यादीत पोहोचला आहे. विराटने मिळवलेल्या या यशाबद्दल आयसीसीने देखील त्याचे कौतुक केले आहे. वाचा- विराट कोहलीने बॉलिवुडची अभिनेत्री प्रियंका चोप्राला मागे टाकले आहे. प्रियंकाचे फॉलोअर्स ६० मिलियन इतके आहेत. तर अभिनेत्री श्रद्धा कपूरचे फोलोअर्स ५८ मिलियन इतके आहेत. वाचा- इंस्टाग्रामवर सर्वाधिक फॉलोअर्स असलेली व्यक्ती म्हणजे ख्रिस्टियानो रोनाल्डो होय. त्याच्या फॉलोअर्सची संख्या २६६ मिलियन इतकी आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2PeHDdV
No comments:
Post a Comment