आयपीएलमध्ये पुढच्या वर्षी दोन नवीन संघ खेळू शकतात, शर्यतीत कोण आहेत आघाडीवर पाहा...

नवी दिल्ली : यावर्षी करोनाच्या काळातही आयपीएल यशस्वीरीत्या पार पाडले. त्यामुळे आता पुढच्या आयपीएलमध्ये दोन नवीन संघांचा समावेश होऊ शकतो, असे म्हटले जात आहे. हे दोन संघ खरेदी करण्यासाठी बरेच जण शर्यतीत आहेत. पण या शर्यतीमध्ये आघाडी नेमके आहेत तरी कोण, पाहा... पुढच्या वर्षीच्या आयपीएलमध्ये नवीन संघ विकत घेण्यासाठी दोन मोठे उद्योग समूह आघाडीवर असल्याचे म्हटले जात आहे. या दोन उद्योग समूहांमध्ये गौतम अदानी यांचा अदानी ग्रुप हा सर्वात आघाडीवर असल्याचे म्हटले जात आहे. कारण आतापर्यंत अदानी समूहाला देशातही चांगला पाठिंबा मिळत आहे. त्यामुळे पुढच्या आयपीएलच्या संघ खरेदीसाठी अदामी ग्रुप हा आघाडीवर असल्याचे म्हटले जात आहे. अदानी ग्रुपबरोबरच संजीव गोएंका यांच्या मालकीची आरपीएसजी ही कंपनीही आयपीएलमधील संघ विकत घेण्यासाठी आघाडीवर असल्याचे समजत आहे. कारण यापूर्वीही संजीव गोएंका यांच्या ग्रुपने आयपीएलमधील एक संघ विकत घेतला होता. पण हा संघ फक्त दोन वर्षेच आयपीएल खेळला होता. त्यामुळे आता पुन्हा एकदा आयपीएमध्ये संघ घेण्यासाठी संजीव गोएंका यांचा उद्योग समूह प्रयत्नशील असल्याचे पाहायला मिळत आहे. पण अजूनपर्यंत पुढच्या वर्षी होणाऱ्या आयपीएलमध्ये किती संघ खेळवायचे याची अधिकृत घोषणा बीसीसीआयने केलेली नाही. संजीव गोएंका ग्रुपने आयपीएलमधील रायझिंग पुणे सुपरजायंट्स हा संघ विकत घेतला होता. पण हा संघ आयपीएलमध्ये २०१६ आणि २०१७ या दोन वर्षांमध्येच दिसला. २०१६ साली पुण्याच्या संघाचे नेतृत्व करण्याची जबाबदारी महेंद्रसिंग धोनीवर सोपवण्यात आली होती. पण या वर्षी संघाला चांगली कामगिरी करता आली नाही. या वर्षी संघाला प्ले-ऑफमध्येही पोहोचता आले नाही. त्यानंतर या संघाचे कर्णधारपद बदलण्यात आले होते. पुण्याच्या संघाने २०१७ साली महेंद्रसिंग धोनीकडून नेतृत्व काढून घेतले होते. त्यानंतर पुण्याच्या संघाचे नेतृत्व करण्याची जबाबदारी स्टीव्हन स्मिथवर सोवण्यात आली होती. या वर्षी पुण्याचा संघ अंतिम फेरीत पोहोचला होता. अंतिम फेरीत पुण्याच्या संघापुढे मुंबई इंडियन्सचे आव्हान होते. हा अंतिम सामना चांगलाच रंगला होता. हा अंतिम सामना अखेरच्या चेंडूपर्यंत गेला होता. पण यावेळी मुंबई इंडियन्सने पुण्याच्या संघावर मात करत आयपीएलचे जेतेपद पटकावले होते.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35EaePN