मेलबर्न: भारतीय संघ ऑस्ट्रेलियाच्या दौऱ्यावर पोहोचला असून खेळाडू सध्या जोरदार सराव करत आहेत. भारत आणि ऑस्ट्रेलिया यांच्यात २७ नोव्हेंबरपासून वनडे मालिका सुरू होत आहे. क्वारंटाइनमध्ये असली तरी त्यांना सराव करण्याची परवानगी मिळाली आहे. भारतीय क्रिकेट नियामक मंडळ अर्थात बीसीसीआय टीम इंडियाच्या सरावाचे व्हिडिओ शेअर करत आहे. यातील एका व्हिडिओची सध्या सोशल मीडियावर भरपूर चर्चा होत आहे. व्हिडिओत भारताचा कर्णधार सराव करताना दिसत आहे. विराट कोहली गेल्या दोन दिवसांपासून चर्चेत आला आहे. त्याने दिवाळीच्या शुभेच्छा देताना फडाके उडवू नका असा सल्ला दिला होता. पण त्यावरून अनेकांनी नाराजी व्यक्त करत विराटला ट्रोल केले होते. वाचा- या व्हिडिओत विराट स्लिपमध्ये कॅच घेण्याचा सराव करत आहे. सरावा दरम्यान विराटने एक शानदार असा कॅच घेतला. ज्याचा व्हिडिओ बीसीसीआयने शेअर केला आहे. व्हिडिओत कोहली सोबत चेतेश्वर पुजारा देखील दिसत आहे. भारताच्या ऑस्ट्रेलिया दौऱ्याची सुरूवात वनडे मालिकेने होणार आहे. तीन सामन्यांची वनडे मालिका झाल्यानंतर तीन सामन्यांची टी-२० मालिका होणार आहे. त्यानंतर १७ डिसेंबरपासून चार सामन्यांची कसोटी मालिका सुरू होईल. वाचा- ऑस्ट्रेलियातील पिचवर चेंडू अधिक उसळी घेतो आणि स्लिपमध्ये अधिक कॅच येतात. यामुळेच भारतीय संघातील खेळाडू स्लिपमधील कॅचचा अधिक सराव करत आहेत. भारताचा कर्णधार विराट कोहीलसह अन्य खेळाडू स्लिपच्या कॅचचा सराव करत आहेत. विराट कोहली कसोटी मालिकेतील पहिल्या सामन्यानंतर भारतात परतणार आहे. ही पहिली कसोटी मॅच डे नाइट होणार आहे. विराटच्या गैरहजेरीत दुसऱ्या, तिसऱ्या आणि चौथ्या कसोटीत भारतीय संघाचे नेतृत्व कोण करणार याची उत्सुकता लागली आहे. रोहित शर्माला वनडे आणि टी-२० सामन्यासाठी विश्रांती देण्यात आली आहे. तर कसोटी संघात त्याचा समावेश करण्यात आला आहे. विराट नसताना भारतीय संघाचे नेतृत्व कोणाकडे द्यायचे याबाबत अद्याप निर्णय घेतला गेला नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/32QqQ4O
No comments:
Post a Comment