अहमदाबाद : इंग्लंडविरुद्ध नरेंद्र मोदी स्टेडियमवर सुरू असलेल्या चौथ्या कसोटीचा दुसरा दिवस ऋषभ पंतने गाजवला. पंतने भारतीय संघाला फक्त संकटातून बाहेर काढले नाही तर शतक झळकावत चाहत्यांचे मनोरंजन केले. त्याने ११८ चेंडूत १३ चौकार आणि २ षटकारांसह १०१ धावा केल्या. वाचा- पंत कसोटीत देखील आक्रमक शैलीने खेळतो. पण इंग्लंडविरुद्ध पहिल्या ६० धावांपर्यंत तो विकेट न गमावता सावध खेळला. जेव्हा भारताने इंग्लंडच्या २०५ धावांना मागे टाकले. त्यानंतर पंतने फटकेबाजी सुरू केली. पंतने एडरसनच्या ८१व्या ओव्हरमध्ये लॉग ऑनच्या वरून चौकार मारला. या चौकाराचे सर्वांना खुश केले. भारताचा माजी स्फोटक फलंदाज विरेंद्र सेहवागने देखील त्याचे सोशल मीडियावर कौतुक केले. त्यानंतर ८३व्या ओव्हरला पंतने रिव्हर्स स्वीप शॉट मारून सर्वांना हैराण केले. एडरसनने विचार देखील केला नसले की पंत त्याला असा शॉट मारू शकेल. तो जेव्हा ९४ धावांवर होता तेव्हा जो रूटला षटकार मारून तिसरे शतक साजरे केले. ५ बाद १२१ अशी अवस्था असताना ऋषभ पंतच्या शानदार शतकामुळे भारताला आघाडी मिळवता आली. दुसऱ्या दिवसाचा खेळ संपला तेव्हा भारताने ७ बाद २९४ धावा केल्या होत्या. पंत-सुंदर जोडीने संघाला आघाडी मिळून दिली आणि त्यानंतर इंग्लंडच्या गोलंदाजाचा समाचार देखील घेतला. पंतने प्रथम अर्धशतक केले आणि त्यानंतर षटकार मारून शतक झळकावले. शतक झाल्यानंतर तो बाद लगेच बाद झाला. त्याने ११८ चेंडूत १०१ धावा केल्या. यात २ षटकार आणि १३ चौकारांचा समावेश होता. पंतने सुंदरसह सातव्या विकेटसाठी शतकी भागिदारी केली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3rkg0yn
No comments:
Post a Comment