अहमदाबाद, : इंग्लंडविरुद्धच्या चौथ्या ट्वेन्टी-२० सामन्यासाठी भारतीय संघाची निवड करण्यात आली आहे आणि सर्वांनाच मोठा धक्का बसला. कारण चौथ्या सामन्यासाठी सातत्याने अपयशी ठरलेल्या लोकेश राहुलला पुन्हा एकदा संधी देण्यात आली, पण इशान किशनला मात्र संघातून बाहेर करण्यात आले. भारतीय संघासाठी हा सामना सर्वात महत्वाचा आहे. कारण हा सामना भारताने गमावला तर त्यांचे या मालिकेतील आव्हान संपुष्टात येणार आहे. त्याचबरोबर इंग्लंडला या मालिकेत विजयी आघाडी घेऊ शकते. त्यामुळे चौथ्या सामन्यात भारतीय संघात कोणाची निवड होते, याकडे सर्वांचेच लक्ष लागलेले होते. विराट कोहलीच्या नावावर नकोसा विक्रम... भारतीय क्रिकेटपटूंचे क्षेत्ररक्षण हा सध्याच्या घडीला चर्चेचा विषय आहे. कारण गेल्या काही सामन्यांमध्ये भारतीय संघाकडून गचाळ क्षेत्ररक्षण झाले आहे. त्यामुळेच भारताला काही सामने गमवावे लागले आहेत. कोहली हा एक चांगला क्षेत्ररक्षक समजला जातो, पण त्याच्या नावावर आता नकोसा विक्रम जमा झाला आहे. कारण २०१९ पासून ट्वेन्टी-२० क्रिकेटमध्ये सर्वाधिक झेल कोहलीने सोडल्याचे पाहायला मिळाले आहे. कोहलीने २०१९ पासून ट्वेन्टी-२० क्रिकेटमध्ये सर्वाधिक सहा झेल सोडल्याचे पाहायला मिळाले आहे. आयपीएलमध्येही कोहलीकडून काही झेल सुटले होते. त्यानंतर ऑस्ट्रेलियाच्या दौऱ्यातही कोहलीकडून चांगले क्षेत्ररक्षण झाले नव्हते. त्याचबरोबर इंग्लंडविरुद्धच्या मालिकेतही कोहलीकडून चांगले क्षेत्ररक्षण पाहायला मिळालेले नाही. कोहलीनंतर या यादीमध्ये काही आंतरराष्ट्रीय क्रिकेटपटूंचाही समावेश आहे. भारतीय संघाच्या वाईट क्षेत्ररक्षणाबद्दल बोलत असताना कोहलीकडूनच सर्वाधिक चुका झाल्याचे आता पाहायला मिळत आहे. त्यामुळे कोहली आपल्या क्षेत्ररक्षणामध्ये कशी सुधारणा करतो, याकडे सर्वांचे लक्ष असेल. भारतीय संघ जर विश्वचषकाच्या दृष्टीने विचार करत असेल तर त्यांनी प्रत्येक खेळाडूला आपली भूमिका समजवून सांगायला हवी. त्याचबरोबर त्याचे स्थानही ठरवून द्यायला हवे. पण दुसऱ्या सामन्यात जिथे इशान किशन सलामीला आला होता आणि अर्धशतक झळकावले होते. त्यानंतर इशानला तिसऱ्या ट्वेन्टी-२० सामन्यात तिसऱ्या क्रमांकावर फलंदाजीला पाठवण्यात आले. त्याचबरोबर एकही चेंडू न खेळता सूर्यकुमार यादवला यावेळी संघातून बाहेर काढण्याचा निर्णय घेण्यात आला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bZfSze
No comments:
Post a Comment