अहमदाबाद, : भारतीय संघाला आता वनडे मालिकेतही मोठा धक्क बसू शकतो, असे दिसत आहे. कारण भारताचे तीन महत्वाचे खेळाडू या वनडे मालिकेत खेळणार नसल्याचे आता समोर येत आहे. कारण या मालिकेत आता रोहित शर्मा आणि रिषभ पंतसारखे महत्वाचे खेळाडू संघाबाहेर होऊ शकतात, असे दिसत आहे. भारत आणि इंग्लंड यांच्यातील वनडे मालिका पुण्यामध्ये खेळवण्यात येणार आहे. ही मालिका २३ मार्चपासून सुरु होणार आहे. सध्याच्या घडीला पुण्यामध्ये करोनाचे रुग्ण वाढत आहेत. त्यामुळे नेटवर्क-१८ (हिंदी) या वृत्तवाहिनीने दिलेल्या बातमीनुसार या मालिकेत रोहित, रिषभ आणि वॉशिंग्टन सुंदर यांना खेळवण्यात येणार नसल्याचे म्हटले जात आहे. रोहित, रिषभ आणि सुंदर यांना का देण्यात येणार विश्रांती? रोहित, रिषभ आणि सुंदर हे आयपीएलपासून सातत्याने क्रिकेट खेळत आहेत. ते गेल्या बऱ्याच महिन्यांपासून बायो-बबलमध्ये आहेत. ऑस्ट्रेलियाच्या दौऱ्यातही ते खेळले होते, त्याचबरोबर इंग्लंडविरुद्धच्या कसोटी मालिकेतही ते खेळत आहे. त्यानंतर पाच ट्वेन्टी-२० सामन्यांची मालिकाही खेळवण्यात येणार आहे. या मालिकेत हे तिघेही खेळाडू असतील. एवढे दिवस बायो-बबलमध्ये राहिल्यानंतर मानसीक ताण जाणवतो, त्याचबरोबर खेळाडूंना थकवाही जाणवत असल्याचे पाहायला मिळत आहे. त्याचबरोबर एप्रिल महिन्यापासून आयपीएलला सुरुवात होणार आहे. आयपीएल ही जवळपास दीड महिने खेळवण्यात येणार आहे. त्यामुळे या तिन्ही खेळाडूंना वनडे मालिकेमध्ये विश्रांती देण्यात येऊ शकते, असे म्हटले जात आहे. जर हे तीन खेळाडू वनडे मालिकेत खेळणार नसतील, तर ट्वेन्टी-२० मालिकेत चांगली कामगिरी करणाऱ्या युवा खेळाडूंना संघात स्थान देण्यात येऊ शकते. आतापर्यंत बायो-बबलच्या कारणावरुन इंग्लंडने आपल्या संघातील तीन खेळाडूंना मायदेशी पाठवण्याचा निर्णय घेतला आहे. इंग्लंडच्या मोइन अलीने दमदार अष्टपैलू कामगिरी केल्यानंतर त्याला मायदेशी पाठवण्याचा निर्णय इंग्लंडच्या संघाने घेतला होता. भारताचा ट्वेन्टी-२० संघ : विराट कोहली (कर्णधार), रोहित शर्मा, लोकेश राहुल, शिखर धवन, श्रेयस अय्यर, सूर्यकुमार यादव, हार्दिक पंड्या, रिषभ पंत, इशान किशन, युजवेंद्र चहल, वरुण चक्रवर्ती, अक्षर पटेल, वॉशिंग्टन सुंदर, राहुल तेवातिया, टी. नटराजन, भुवनेश्वर कुमार, दीपक चहर, नवदीप सैनी, शार्दुल ठाकूर.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3dYbLEP
No comments:
Post a Comment