IND vs ENG: हा खेळाडू नसता तर अंतिम टी-२० मध्ये भारताचा पराभव निश्चित होता

अहमदाबाद : इंग्लंडचा संघ पाचव्या आणि अंतिम टी-२० सामन्यात विजय मिळवण्याच्या दिशेने वेगाने वाटचाल करत होता. त्यांनी १२ षटकात १ विकेटच्या बदल्यात १२७ धावा केल्या होत्या. जोश बटलर आणि डेव्हिड मलान हे मैदानावर होते. तेव्हा इंग्लंडला ४८ चेंडूत ९८ धावा करणे फार अवघड नव्हते. नेमक्या त्याच वेळी भारताचा कर्णधार विराट कोहलीने एक हुकुमचा एक्का बाहेर काढला. वाचा- भारतीय संघात ज्या खेळाडूचे १५ महिन्यानंतर आगमन झाले होते. भुवनेश्वर कुमारने अंतिम सामन्यात पहिल्या स्पेलमध्ये २ षटकात एक विकेट घेत सहा धावा दिल्या होत्या. इंग्लंडचा संघ वेगाने धावा करत असताना विराटने चेंडू पुन्हा भुवनेश्वरच्या हातात दिला. भुवीने देखील कर्णधार, संघ आणि चाहत्यांना निराश केले नाही. १३व्या षटकातील पाचव्या चेंडूवर त्याने जोश बटलरची विकेट घेतली. भारताला मिळालेली ही दुसरी विकेट होती आणि याच ओव्हरने सामना इंग्लंडच्या हातातून निसटण्यास सुरुवात झाली. भारताच्या या विजयाचे श्रेय ना विराट कोहलीच्या नाबाद ८० धावांमध्ये होते ना रोहित शर्माच्या धमाकेदार ६४ धावांमध्ये होते. हे श्रेय फक्त आणि फक्त भुवनेश्वरचे ठरले. त्याने चार षटकात १५ धावा देत दोन विकेट घेतल्या. भुवीने तब्बल १७ चेंडू निर्धाव टाकले. वाचा- ज्या सामन्यात फलंदाजांनी तुफान फलंदाजी केली त्या सामन्यात भुवनेश्वरला सामनावीर पुरस्कार देऊन गौरविण्यात आले. क्रिकेटच्या मैदानावर परतल्यानंतर आणि संघाच्या विजयात योगदान दिल्याबद्दल छान वाटते. फिटनेस स्थरावर देखील उत्तम आहे. नव्या चेंडूसह डेथ ओव्हरमध्ये विकेट घेणे सर्वोत्तम असते. जेव्हा नव्या चेंडूवर विकेट घेता तेव्हा आत्मविश्वास वाढतो असे भुवीने सामनावीर पुरस्कार मिळाल्यानंतर सांगितले. वाचा- भुवीने भारताकडून २१ कसोटी, ११४ वनडे आणि ४८ टी-२० सामने खेळले आहेत. त्यात त्याने ६३, १३२ आणि ४५ विकेट घेतल्या आहेत. फलंदाजीत त्याने कसोटीत ३ तर वनडेत एक अर्धशतक झळकावले आहे. इंग्लंडविरुद्धच्य टी-२० मालिकेआधी भुवीने डिसेंबर २०१९ साली अखेरची आंतरराष्ट्रीय मॅच खेळली होती. कोणत्याही गोलंदाजासाठी १५ महिन्यानंतर परत येणे सोपे नसते. त्याच बरोबर पुन्हा विकेट मिळवणे हे फारच अवघड ठरते. या मालिकेआधी त्याने विजय हजारे आणि सैय्यद मुश्ताक अली स्पर्धेत चांगली कामगिरी केली होती.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cS0mV1