अहमदाबाद: भारतीय क्रिकेट संघाचा कर्णधार ( ) पुन्हा एकदा धावा करण्यात अपयशी ठरला. इंग्लंडविरुद्धच्या चौथ्या कसोटीच्या पहिल्या डावात तो मोठी धावसंख्या करेल असे वाटत होते. पण कोहली शून्यावर बाद झाला. वाचा- पहिल्या सत्रात चेतेश्वर पुजारा बाद झाल्यानंतर विराट मैदानावर आला. आणि बेन स्टोक्सच्या चेंडूवर बेन फोक्सने त्याचा कॅच घेतला. या मालिकेत विराट दुसऱ्यांचा शून्यावर बाद झाला. याआधी चेन्नईत झालेल्या दुसऱ्या कसोटीत तो पहिल्या डावात शून्यावर बाद झाला होता. तेव्हा मोइन अलीने त्याची बोल्ड घेतली होती. मोइन अलीच्या त्या चेंडूला ड्रीम बॉल असे म्हटले गेले होते. वाचा- कसोटी करिअरमध्ये विराट कोहली एका मालिकेत दोन वेळे शून्यावर बाद होण्याची ही दुसरी वेळ आहे. याआधी २०१४ साली इंग्लंडविरुद्धच्या मालिकेत तो दोन वेळा शून्यावर बाद झाला होता. वाचा- विराट त्याच्या करिअरमध्ये १२व्यांदा शून्यावर बाद झालाय. तर बेन स्टोक्सने त्याला पाचव्यांदा बाद केले. आयसीसी वर्ल्ड टेस्ट चॅम्पियनशिपमध्ये तो चौथ्यांचा शून्यावर बाद झाला आहे. भारतीय क्रिकेटपटूंमध्ये जसप्रीत बुमराह चार वेळा शून्यावर बाद झालाय. तर मोहम्मद शमी आणि चेतेश्वर पुजार हे प्रत्येकी ३ वेळा शून्यावर बाद झाले आहेत. नोव्हेंबर २०१९ मध्ये विराटने बांगलादेशविरुद्ध १३६ धावा केल्या होत्या. त्यानंतर आंतरराष्ट्रीय क्रिकेटमध्ये त्याने एकही शतक झळकावले नाही. विराटने १२ कसोटीत १,१९,३,१४,७४,४,११,७२,०,६२,२७,० अशा धावा केल्या आहेत. वाचा- कर्णधार म्हणून सर्वाधिक वेळा शून्यावर बाद होण्याचा एक नकोसा विक्रम त्याच्या नावावर नोंदला गेला आहे. कसोटीत सर्वाधिक वेळ शून्यावर बाद होण्याबाबत तो विराट टॉपवर आला आहे. विराट सोबत सर्वाधिक वेळा शून्यावर बाद झालेला कर्णधार म्हणजे महेंद्र सिंह धोनी होय. धोनी आठ वेळा कसोटीत शून्यावर बाद झालाय. विराट देखील इतक्याच वेळा शून्यावर बाद झाला. आंतरराष्ट्रीय क्रिकेटमध्ये भारतीय कर्णधारांमध्ये देखील विराट आता संयुक्तपणे पहिल्या स्थानावर आहे. आंतरराष्ट्रीय स्तरावर भारतीय कर्णधारामध्ये सौरव गांगुली १३ वेळा शून्यावर बाद झाला होता. विराट देखील आता गांगुलीच्या बरोबर पोहोचला आहे. त्यानंतर धोनीचा क्रमांक लागतो तो ११ वेळा तर कपिल देव १० वेळा शून्यावर बाद झालेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sSgVX2
No comments:
Post a Comment