अहमदाबाद, : पाचवा सामना हा दोन्ही संघांसाठी महत्वाचा ठरणार आहे. कारण या सामन्यात विजय मिळवल्यावर भारत किंवा इंग्लंडपैकी कोणताही संघ मालिका जिंकू शकतो. त्यामुळे या महत्वाच्या सामन्यासाठी भारतीय संघाची सलामी ही महत्वाची ठरणार आहे. त्यामुळे पाचव्या आणि निर्णायक सामन्यात रोहित शर्माबरोबर कोणत्या खेळाडूने सलामीला यावे, असा सल्ला त्यांनी यावेळी दिला आहे. आतापर्यंतच्या चारही ट्वेन्टी-२० सामन्यांमध्ये भारतीय संघाला चांगली सलामी मिळू शकलेली नाही. कारण आतापर्यंत चारही ट्वेन्टी-२० सामन्यांमध्ये सलामीवीर लोकेश राहुल हा सातत्याने अपयशी ठरलेला आहे. त्यामुळे भारताला जर पाचवा सामना जिंकायचा असेल तर यावेळी लोकेश राहुलला संघातून डच्चू द्यायला हवा. पण राहुलला डच्चू दिल्यावर रोहित शर्माबरोबर सलामीला कोण येऊ शकतो, याचे उत्तर यावेळी इंग्लंडचा माजी कर्णधार मायकल वॉनने दिले आहे. भारताच्या सलामीबाबत वॉन म्हणाला की, " सध्याच्या घडीला लोकेश राहुलचा फॉर्म चांगला नाही, त्यामुळे त्याला पाचव्या ट्वेन्टी-२० सामन्यात संधी देता कामा नये. माझ्यामते यावेळी रोहितबरोबर इशान किशनना सलामीला पाठवायला हवे. कारण भारतीय संघासाठी हा निर्णय फायद्याचा ठरू शकतो. इशानने दुसऱ्या सामन्यात पदार्पण करत असताना अर्धशतक झळकावले होते. त्यानंतर तिसऱ्या सामन्यात तो चार धावांवर बाद झाला होता. पण चौथ्या सामन्यात त्याला संधी देण्यात आली नव्हती. त्यामुळे आता पाचव्या सामन्यात इशानला संधी द्यावी आणि त्याला रोहितबरोबर सलामीला पाठवायला हवे." लोकेश राहुलच्या गेल्या चार सामन्यांच्या विचार केला तर त्याने अनुक्रने १, ०, ०, १४ अशा धावा केल्या आहेत. गेल्या चार सामन्यांमध्ये राहुलला फक्त १५ धावाच करता आल्या आहेत, पण तरीही त्याला सातत्याने संधी मिळत आहे. त्यामुळे पाचव्या सामन्यात जर भारतीय संघाला कोणता बदल करायचा असेल, तर राहुलला पाचव्या सामन्यासाठी संघाबाहेर ठेवायला हवे. त्याचबरोबर रोहित आणि इशान किशन हे दोघेही यापूर्वी मुंबई इंडियन्सच्या संघाकडून खेळले आहेत. त्यामुळे त्यांच्यामध्ये चांगला समन्वय आहे. त्यामुळे पाचव्या सामन्यात रोहित आणि इशान हे चांगली सलामी देऊ शकतील, असे बऱ्याच चाहत्यांना वाटत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3r5suZQ
No comments:
Post a Comment