ब्रिस्बेन, : कसोटी सामन्याच्या चौथ्या दिवशी एक मजेदार प्रसंग पाहायला मिळाला. भारताचा उपकर्णधार रोहित शर्माने यावेळी ऑस्ट्रेलियाच्या स्टीव्ह स्मिथ भर मैदानात नक्कल केल्याचे पाहायला मिळाले. या गोष्टीचा व्हिडीओ सध्याच्या घडीला चांगलाच व्हायरल झाल्याचे पाहायला मिळत आहे. सामन्याच्या चौथ्या दिवशी स्मिथने ५५ धावांची खेळी साकारली आणि संघाला आव्हानात्मक धावसंख्या उभारण्यात मदत केली. स्मिथ या मालिकेत चांगलाच ट्रोल झालेला पाहायला मिळाला आहे. पण रोहितने यावेळी स्मिथ कशी फलंदाजी करतो, याची नक्कल त्याच्या समोरच केल्याचे पाहायला मिळाले आणि एकच हशा पिकला. पण स्मिथने यावेळी रोहितकडे पाहिले नाही. पण चाहत्यांनी मात्र रोहितने केलेली ही नक्कच चांगलीच एन्जॉय केल्याचे पाहायला मिळाले. स्मिथ या कसोटी सामन्यात चांगलाच ट्रोल झालेला आहे. गेल्या सामन्यात तर स्मिथने भारताचा फलंदाज रिषभ पंतचा बॅटींग गार्ड पुसून टाकला होता. त्यानंतर स्मिथ हा चांगलाच ट्रोल झाला होता. स्मिथच्या या कृत्यानंतर त्यावर चांगलाच वाद-विवादही रंगल्याचे पाहायला मिळाले होते. पण आता रोहितच्या व्हिडीओमुळे स्मिथ पुन्हा चर्चेत आला आहे. ऑस्ट्रेलियाचा धडाकेबाज फलंदाज स्टीव्ह स्मिथने ऑस्ट्रेलियाचा डाव सावरला. स्मिथने यावेळी ५५ धावांची खेळी साकारल्यामुळे ऑस्ट्रेलियाच्या संघाला आव्हानात्मक धावसंख्या उभारता आली. स्मिथला यावेळी तळाच्या फलंदाजांकडूनही चांगली साथ मिळाली. त्यामुळे ऑस्ट्रेलियाला दुसऱ्या डावात २९४ धावांपर्यंत मजल मारता आली. पण भारताचा वेगवान गोलंदाज मोहम्मद सिराजने यावेळी स्मिथला बाद करत संघाला मोठे यश मिळवून दिले. सिराजने यावेळी स्टीव्ह स्मिथ, मार्नस लाबुशेन आणि मॅथ्यू वेड या तिघांना बाद करत ऑस्ट्रेलियाची मधळी फळी खिळखिळी करून टाकली. त्याचबरोबर अन्य दोन फलंदजांना बाद करत सिराजने पहिल्यांदाच कसोटी मालिकेत पाच विकेट्स मिळवण्याचा पराक्रम केला आहे. त्याचबरोबर सिराजने या सामन्यात भारताच्या एका गोलंदाजाचा २० वर्षांपूर्वीचा विक्रम मोडीत काढला आहे. पदार्पण करताना ऑस्ट्रेलियाच्या दौऱ्यावर सर्वाधिक विकेट्स मिळवण्याचा मान सिराजने पटकावला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sAIViQ
No comments:
Post a Comment