ब्रिस्बेन, : ऑस्ट्रेलियाच्या दौऱ्यावर भारतीय संघातील खेळाडू एकामागून एक दुखापतग्रस्त होते. सामना सुरु असतानाही खेळाडूंना गंभीर दुखापती झाल्या. पण या भारताच्या जखमी वाघाला ऑस्ट्रेलियाने डिवचण्याचा प्रयत्न केला आणि त्यांचीच यावेळी शिकार झाल्याचे पाहायला मिळाले. पहिल्या कसोटीतील पराभव, विरट कोहलीची अनुपस्थिती आणि प्रत्येक सामन्यागणिक दुखापतग्रस्त होणारे खेळाडू, अशी भारतीय संघाची परिस्थिती होती. त्यामुळेच कर्णधार अजिंक्य रहाणेचे कौतुक करावे तेवढे थोडेच आहे. कारण अजिंक्यने अनुभव नसलेल्या खेळाडूंना घेऊन संघ बांधणी केली आणि ऐतिहासिक विजय मिळवून दिला. पण भारतीय संघ या परिस्थितीतून जात असताना त्यांच्यावर स्लेजिंग, शिवीगाळ, वर्णद्वेषी टीकाही केली होती. पण हा डिवचण्याचा प्रकार ऑस्ट्रेलियाच्याच अंगलट आल्याचे आता पाहायला मिळत आहे. ऑस्ट्रेलियाचा कर्णधार टीम पेनबरोबर मार्नश लाबुनेश आणि त्यांचे अन्य खेळाडू भारतीय खेळाडूंवर स्लेजिंग करत होते. भारतीय खेळाडूंचे लक्ष विचलित करण्याचा त्यांचा हा प्रयत्न होता. पण भारतीय खेळाडूंनी या गोष्टींना भीक घातली नाही. उलटपक्षी या स्लेजिंगनंतर भारतीय खेळाडू अधिक त्वेषाने आणि लक्ष केंद्रीत करून खेळल्याचे पाहायला मिळाले. त्यामुळे या स्लेजिंगचा फायदाच भारतीय संघाला झाल्याचे पाहायला मिळाले. ऑस्ट्रेलियाचे खेळाडू स्लेजिंर करत असतानाच मैदानाती प्रेक्षकही भारतीय खेळाडूंवर तुटून पडत होते. सिडनी कसोटी सामन्यात वेगवान गोलंदाज मोहम्मद सिराज आणि जसप्रीत बुमरा यांना प्रेक्षकांनी शिविगाळ केली होती. त्याचबरोबर सिराजबाबत अपशब्द वापरले होते. त्यामुळे मैदानात पोलिस बोलवण्याची नाचक्की ऑस्ट्रेलियावर आली होती. हा प्रकार फक्त सिडनी कसोटीपुरता मर्यादीत राहीला नाही. सिडनीनंतर ब्रिस्बेनमधील कसोटीमध्येही सिराज आणि वॉशिंग्टन सुंदर यांना प्रेक्षकांनी शिवीगाळ केली होती, अपशब्द वापरले होते. पण सिराज डगमगला नाही. सिराजने चौथ्या कसोटीत पाच विकेट्स घेत त्यांना चोख उत्तर दिल्याचे पाहायला मिळाले. त्यामुळे भारतीय खेळाडूंना डिवचण्याची ही गोष्ट ऑस्ट्रेलियाला आता चांगलीच महागात पडल्याचे पाहायला मिळाले आहे. भारतीय खेळाडूंनी आपल्या दमदार कामगिरीतून या सर्वांची तोंडं बंद केली आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3oX7hB6
No comments:
Post a Comment