मुंबई : यावर्षी आयपीएल भारतामध्येच होणार, हे आता स्पष्ट झाले आहे. त्याचबरोबर आयपीएल नेमके कधी खेळवायचे, याचा निर्णयदेखील झाला असल्याचे समजते आहे. यावर्षी आयपीएल हे एप्रिलच्या दुसऱ्या आठवड्यात सुरु होऊ शकते. यावर्षी आयपीएलची सुरुवात ११ किंवा १४ एप्रिलला होऊ शकते, असे म्हटले जात आहे. त्याचबरोबर आयपीएलचा अंतिम सामना हा जून महिन्याच्या पहिल्या आठवड्यात होऊ शकतो. साधारणत: ६ जूनला आयपीएलचा अंतिम सामना होऊ शकतो, असे आता समजत आहे. त्यामुळे यावर्षी भारतामध्येच चाहत्यांना आयपीएलचा आनंद लुटता येऊ शकतो. बीसीसीआयने सय्यद मुश्ताक अली ट्वेन्टी-२० स्पर्धेपासून आपल्या क्रिकेट मोसमाची सुरुवात केली आहे. त्यानंतर बीसीसीआय अजून दोन महत्वाच्या स्पर्धा खेळवणार आहे. त्यानंतर सर्व परिस्थितीचा अंदाच आल्यानंतर आयपीएलचे आयोजन केले जाईल, असे बीसीसीआयच्या सूत्रांकडून कळत आहे. त्यामुळे आता काही महिन्यांतच आयपीएलचा जलवा चाहत्यांना अनुभवता येणार आहे. यावर्षी आयपीएलचा लिलाव हा १८ फेब्रुवारीला चेन्नई येथे होणार आहे. यावेळी तब्बल १३९ खेळाडूंचा लिलाव होणार आहे. या दिवशी सर्वं संघांचे मालक आणि अधिकारी या लिलावाला उपस्थित राहतील. त्याचबरोबर कोणत्या खेळाडूला किती रुपयांची बोली लावत आपल्या संघात स्थान द्यायचे, हे ठरणार आहे. त्यामुळे यावर्षी आयपीएलच्या कोणत्या संघात कोणते खेळाडू असतील, हे स्पष्ट होऊ शकेल. यावर्षीच्या आयपीएलच्या लिलावात बरेच नामांकित खेळाडू उपलब्ध होणार आहेत. कारण चेन्नई सुपर किंग्स, मुंबई इंडियन्स, किंग्स इलेव्हन पंजाब, राजस्थान रॉयल्ससारख्या संघांनी बऱ्याच नामांकित खेळाडूंना सोडचिठ्ठी दिली आहे. त्यामुळे या खेळाडूंवर लिलावात किती बोली लागते आणि ते कोणत्या संघात जातात, याचे चित्र १८ फेबुवारीला स्पष्ट होऊ शकते. सध्याच्या घडीला आयपीएल सर्वात जास्त चर्चेत आहे. कारण बऱ्याच संघांनी आपल्या खेळाडूंना सोडचिठ्ठी दिल्याचे पाहायला मिळत आहे. महेंद्रसिंग धोनीच्या नेतृत्वाखालील चेन्नई सुपर किंग्स या संघाने हरभजन सिंग, पीयुष चावला, मुरली विजय, केदार जाधव, मोनू सिंग या खेळाडूंना सोडचिठ्ठी दिल्याचे पाहायला मिळाले आहे. त्याचबरोबर चेन्नईच्या संघाने सुरेश रैनाला संघात कायम ठेवले आहे. ग्लेन मॅक्सवेलला किंग्स इलेव्हन पंजाबच्या संघाने संघातून बाहेरचा रस्ता दाखवला आहे. त्याचबरोबर ऑस्ट्रेलियाचा माजी कर्णधार स्टीव्ह स्मिथलाही राजस्थान रॉयल्सच्या संघाने बाहेरचा रस्ता दाखवला आहे. त्यामुळे यंदाच्या लिलावामध्ये बरेच नामांकित खेळाडू पाहायला मिळतील.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3pGiIO0
No comments:
Post a Comment