नवी दिल्ली : आयपीएलचे पडघम आता वाजायला सुरुवात झाली आहे. महेंद्रसिंग धोनीच्या नेतृत्वाखालील चेन्नई सुपर किंग्सने आपल्या संघातील काही खेळाडूंना आता रिलीज केल्याचे पाहायला मिळत आहे. त्यामुळे चेन्नईला या खेळाडूंना आपला संघात कायम ठेवायचे नाही. चेन्नईच्या संघाने आज हरभजनबरोबर अन्य काही खेळाडूंना संघातून बाहेर केल्याचे पाहायला मिळत आहे. चेन्नईच्या संघाने हरभजन सिंगबरोबर फिरकीपटू पीयुष चावला आणि सलामीवीर मुरली विजय यांना रिलिज केले आहे. चावलाला ६.७५ कोटी रुपये मोजत चेन्नईने २०१९ साली संघात दाखल केले होते. त्याचबरोबर हरभजन यापूर्वी मुंबई इंडियन्सच्या संघात होता आणि त्यानंतर चेन्नईने त्याला लिलावात आपल्या संघात सामील करून घेतले होते. त्याचबरोबर मुरली विजयदेखील काही काळ चेन्नईच्या संघात होता. त्याचबरोबर अन्य काही खेळाडूंना चेन्नईचा संघ रिलिज करणार आहे. सुरेश रैना आणि केदार जाधवचे काय होणार, पाहा.... चेन्नईच्या संघाचा उपकर्णधार सुरेश रैना आणि केदार जाधव यांनाही चेन्नईचा संघ सोडचिठ्ठी देऊ शकतो, असे म्हटले जात आहे. कारण यावर्षी झालेल्या आयपीएलपूर्वीच रैनाने कोणाचेही न ऐकता संघाला सोडण्याचा निर्णय घेतला होता. चेन्नईच्या संघाला दुबईमध्ये सोडून रैना मायदेशी परतला होता. त्यानंतर रैना आणि संघ मालक एन. श्रीनिवासन यांच्यामध्ये वाद विवाद झाल्याचेही पाहायला मिळाले होते. त्यामुळे रैनाला यावेळी पुन्हा चेन्नईच्या संघात स्थान मिळणे कठीण आहे. केदार जाधव हा बऱ्याच कालावधीपासून चेन्नईच्या संघात आहे. यावर्षी केदारवर मोठी जबाबदारी होती. पण केदार पूर्णपणे अपयशी ठरल्याचेच पाहायला मिळाले. कारण यावेळी झालेल्या आयपीएलमध्ये केदारला आठ सामन्यांमध्ये फक्त ६२ धावाच करता आल्या होत्या. त्यामुळे केदार हा ट्रोल झाला होता. त्यामुळे पुढच्या मोसमात केदारला संधी मिळण्याची शक्यता कमी आहे. पण या दोघांना संधी द्यायची की नाही, हे कर्णधार महेंद्रसिंग धोनीच्या हातामध्ये असल्याचे म्हटले जात आहे. त्यामुळे धोनी आता रैना आणि केदारबाबत नेमका काय निर्णय घेतो, याची उत्सुकता सर्वांनाच असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38WAfvb
No comments:
Post a Comment