सिडनी कसोटीनंतर विहारीला मिळाली होती द्रविडची शाब्बासकी; पाठवला हा मेसेज

नवी दिल्ली: भारताचा मधळ्याफळीतील फलंदाज हनुमा विहारीने ऑस्ट्रेलियाविरुद्धच्या तिसऱ्या कसोटीत आर अश्विन सोबत महत्त्वाची खेळी केली होती. विहारी आणि अश्विन यांनी साडे तीन सात फलंदाजी केली आणि सामना ड्रॉ केला. विहारीने १६१ चेंडूत २३ धावा केल्या होत्या. वाचा- सिडनी कसोटीत भारताच्या पाच विकेट पडल्यानंतर ऑस्ट्रेलियाच्या वेगवान गोलंदाजांचा मारा रोखण्याचे काम विहारी आणि अश्विन या जोडीने केले होते. या दोघांच्या नाबाद भागिदारीमुळे भारताने सामना गमावला नाही. विहारीला दुखापत झाली असताना देखील त्याने मैदान सोडले नव्हते. त्याने प्रथम चेतेश्ववर पुजारा आणि नंतर अश्विन सोबत भागिदारी करून फलंदाजी केली. ऑस्ट्रेलियाच्या भूमीवर ऐतिहासीक विजय मिळवल्यानंतर विहारीने एक मोठा खुलासा केला. वाचा- हनुमा विहारीने सांगितले की, माजी कर्णधार राहुल द्रविडने देशांतर्गत क्रिकेटपटू आणि आंतरराष्ट्रीय क्रिकेटपटू यांच्यातील अंतर कमी केले. सिडनी कसोटीनंतर मी त्यांना मेसेज केला होता. राहुल सरांनी त्याला उत्तर देखील दिले. ते म्हणाले, 'खुप छान, तु फार शानदार काम केलेस' भारताच्या ए दौऱ्या युवा खेळाडूंना संधी देण्याचे श्रेय यांचे आहे. यामुळे आंतरारष्ट्रीय क्रिकेटपटू तयार होतात. ऑस्ट्रेलिया दौऱ्यात अ संघात मोहम्मद सिराज, शुभमन गिल, मयांक अग्रवाल ही खेळाड होते. आम्ही गेल्या काही वर्षात भारत अ संघाकडून खेळलो आहोत आणि तेव्हा कोच म्हणून राहुल द्रविड सोबत होते. वाचा- राहुल सरांमुळे रणजी ट्रॉफी आणि भारतीय संघातील अंतर कमी झाले. यामुळे आम्ही जेव्हा पहिला किंवा दुसरा सामना खेळतो तेव्हा आव्हानासाठी सज्ज असतो, असे विहारी म्हणाला. आम्ही जेव्हा त्यांच्या मार्गदर्शनाखाली खेळतो तेव्हा ते आमचे कोच कमी आणि मेटॉर अधिक असतात. जेव्हा गरज असते तेव्हा ते साथ देतात. वाचा- ऑस्ट्रेलियातील तिसऱ्या सामन्यात दुखापतीनंतर विहारीला चौथ्या सामन्यात खेळता आले नाही. आता तो बेंगळुरू येथील राष्ट्रीय क्रिकेट अकादमीमध्ये आहे. विहारीने १२ कसोटीत ६२४ धावा आणि ५ विकेट घेतल्या आहेत. प्रथम श्रेणीत त्याने ९० सामन्यात २१ शतक आणि ३६ अर्धशतक केली आहेत. वाचा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3c46OcK