चेन्नई, : भारताचा युवा वेगवान गोलंदाज मोहम्मद सिराजने आज कमालच केली. जी गोष्ट भारताचा वेगवान गोलंदाज जसप्रीत बुमराला करता आली नाही, ती गोष्ट आज सिराजने करुन दाखवली. सिराज आज मायदेशातील आपला पहिला कसोटी सामना खेळण्यासाठी मैदानात उतरला होता. पहिल्या सामन्यात जसप्रीत बुमराला खेळवण्यात आले होते आणि तो त्याचाही भारतातील पहिलाच सामना होता. पण पहिल्या कसोटीत जे बुमराला जमले नाही ते सिराजने या कसोटीत करुन दाखवले आहे. सिराजने भारतातील आपल्या पहिल्या सामन्यातील पहिल्याच चेंडूवर विकेट मिळवण्याची किमया साकारली. ही संधी बुमराकडेही आली होती, पण त्यावेळी रिषभ पंतने झेल सोडला होता आणि ही संधी बुमराला गमवावी लागली होती. सिराज यावेळी आपल्या कारकिर्दीतील चौथा कसोटी सामना खेळण्यासाठी आज मैदानात उतरला होता. यापूर्वी त्याने ऑस्ट्रेलियामध्ये तीन कसोटी सामने खेळले होते. पण भारतातील त्याचा हा पहिलाच सामना होता. आपल्या पहिल्याच सामन्याच्या पहिल्याच चेंडूवर सिराजने इंग्लंडच्या ऑली पोपला (३९) बाद करत भारताचा यश मिळवून दिले. भारतासाठी ही विकेट फर महत्वाची होती. कारण त्यावेळी ऑली हा खेळपट्टीवर स्थिरस्थावर होत होता. विराट कोहलीने आज ३९वे षटक सिराजला टाकण्यासाठी दिले. यापूर्वी सिराजने गोलंदाजी केली नव्हती. सिराजने यावेळी अचूक चेंडू टाकला आणि ऑलीला या चेंडूचा समर्थपणे सामना करता आला नाही. यावेळी चेंडू बॅटच्या कडेला लागला आणि तो यष्टीरक्षक रिषभ पंतकडे गेला. पंतने यावेळी कोणतीही चुक केली नाही. त्यामुळे सिराजला भारतातील पहिल्याच चेंडूवर विकेट मिळवण्याचा पराक्रम करता आला. पण गेल्या सामन्यात बुमराने आपल्या पहिल्याच चेंडूवर रॉरी बर्न्सला चांगलेच चकवले होते. रॉरी यावेळी लेग साइडला चेंडू मारायला गेला होता. त्यावेळी चेंडूने बॅटची कडा घेतली होती. त्यावेळी चेंडू पंतच्या दिशेने गेला होता. पंतने यावेळी उडीही मारली. पण त्याला हा झेल टिपता आला नव्हता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2NomdKH
No comments:
Post a Comment