चेन्नई, : भारताचा कर्णधार विराट कोहली यावेळी शून्यावर बाद झाला, त्याला भोपळाही फोडता आला नाही. पण त्यानंतर इंग्लंडच्या एका माजी कर्णधाराने कोहलीला चांगलेच डिवचल्याचे पाहायला मिळाले आहे. कोहलीला आज फक्त पाच चेंडूंच खेळता आले. पण कोहली ज्या पद्धतीने क्लीन बोल्ड झाला, ते पाहिल्यावर त्याच्यावर जोरदार टीका सुरु आहे. इंग्लंडचा माजी कर्णधार मायकल वॉनने त्याला चांगलेच डिवचले आहे. वॉन यावेळी म्हणाला की, " भारताचा महान खेळाडू विराट कोहली ज्यापद्धतीने क्लीन बोल्ड झाला ते पाहता, त्यावरुन ऑफ स्पिनरला खेळणे कठीण वाटत नाही का..." कर्णधार विराट कोहलीला पहिल्या डावात भोपळाही फोडता आला नाही. मोईन अलीच्या दुसऱ्या चेंडूवर विराट क्लीन बोल्ड झाला. चेंडू नेमका कसा आला आणि तो स्टम्पवर कसा आदळला, हे कोहलीला यावेळी समजलेच नाही. त्याचमुळेच क्लीन बोल्ड झाल्यानंतरही तो खेळपट्टीवरच उभा राहीला आणि त्याने समोर उभ्या असलेल्या रोहित शर्माला विराचले की, नेमके काय घडले. आपण क्लीन बोल्ड झालो आहोत, यावर कोहलीचा विश्वासच बसला नव्हता. त्यामुळेच तो मैदानात उभा राहिला होता. कोहली बाद झाला ती गोष्ट घडली ती मोईन अलीच्या २२व्या षटकातील दुसऱ्या चेंडूवर. यावेळी चेंडू ऑफ स्टम्पच्या बाहेर पडला आणि तो थेट स्टम्पमधअये घुसला. चेंडू स्टम्पच्या वरच्या भागावर आदळला आणि कोहली क्लीन बोल्ड झाला. कोहली त्यानंतर खेळपट्टीवर उभा राहीला. त्यावेळी तिसऱ्या पंचांनी हा चेंडू पाहिला आणि कोहली आऊट असल्याचे त्यांनी सांगितले. त्यानंतरच कोहलीने मैदान सोडल्याचे पाहायला मिळाले. गेल्या वर्षभरात कोहलीला एकही शतक झळकावता आलेले नाही. त्याचबरोबर कोहलीच्या नेतृत्वाखाली भारतीय संघाला सलग चार पराभव स्विकारावे लागले आहेत. त्यामुळे विराटच्या फलंदाजीबरोबरच नेतृत्वावरही आता प्रश्नचिन्ह उपस्थित केले जात आहेत. त्यामुळे कोहली आता या सामन्याच्या दुसऱ्या डावात कशी फलंदाजी करतो, याकडे सर्वांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3b39GUR
No comments:
Post a Comment