मुंबई : ट्विटरवर चाहत्यांची मनं जिकणारा अनुभवी माजी क्रिकेटपटू वसिम जाफरने अचानक प्रशिक्षकपदाचा राजीनामा दिला आहे. प्रथम श्रेणी क्रिकेमधून निवृत्ती जाहीर केल्यावर जाफर हा आयपीएलबरोबर उत्तराखंडच्या संघाचे प्रशिक्षकपद भूषवत होता. पण जाफरने आता अचानक राजीनामा देण्याचा निर्णय घेतला आहे. गेल्या वर्षी मार्च महिन्यामध्ये जाफरने उत्तराखंडच्या संघाचे प्रशिक्षकपद स्विकारले होते. पण आता विजय हजारे स्पर्धा तोंडावर आलेली असताना जाफरने अचानक राजीनामा दिला आहे. उत्तराखंडच्या क्रिकेट संघटनेने जाफरचा राजीनामा स्विकारला आहे. विजय हजारे स्पर्धा ही २० फेब्रुवारीपासून सुरु होणार आहे. आता स्पर्धा सुरु होण्यासाठी फार कमी दिवस राहीले आहेत. पण जाफरने राजीनामा दिल्यावर सर्वांनाच धक्का बसला आहे. पण जाफरने अजून आपण राजीनामा का दिला, याचे कारण मात्र सांगितलेले नाही. पण उत्तराखंडच्या क्रिकेट संघटनेच्या अधिकाऱ्यांनी मात्र जाफरच्या राजीनाम्याची पुष्टी केली आहे. जाफर हा पहिल्यांदा मुंबईकडून खेळत होता. त्यानंतर जाफर विदर्भाच्या संघाकडून खेळायला लागला. विदर्भाच्या संघाने ऐतिहासिक रणजी विजेतेपद पटकावले होते, त्यामध्ये जाफरचा मोलाचा वाटा होता. पण प्रथम श्रेणी क्रिकेटमधून निवृत्ती घेतल्यानंतर जाफरने आपण प्रशिक्षक होणार असल्याचे स्पष्ट केले होते. त्यानंतर गेल्या मार्च महिन्यात जाफरने उत्तराखंडच्या संघाचे प्रशिक्षकपद स्विकारले होते. निवृत्ती स्विकारल्यावर जाफरने सांगितले होते की, " निवृत्तीनंतर मला प्रशिक्षकपद भुषवायला आवडेल. बऱ्याच संघांनी माझ्याशी संपर्क केला आहे. पण मला उत्तराखंडचा संघ आवडला आहे. कारण भविष्यामध्ये त्यांच्याकडून चांगली कामगिरी होऊ शकते, असे मला वाटते. जेव्हा मी विदर्भाच्या संघाकडून खेळत होतो तेव्हाही मी मार्दगर्शकाच्या भूमिकेत होतो. पण मुख्य प्रशिक्षकाची भुमिका पार पाडणे हे मोठे आव्हान असते." जाफर जेव्हा उत्तराखंडच्या संघाचा प्रशिक्षक झाला होता तेव्हा त्याने जय बिश्ता, इक्बाल अब्दुल्ला आणि समद फलाह यांना संधी दिली होती. त्याचबरोबर काही सहाय्यक प्रशिक्षकांचीही निवड केली होती. पण जाफर प्रशिक्षक असताना उत्तराखंडच्या क्रिकेट संघाला चांगली कामगिरी करता आली नाही. उत्तराखंडच्या क्रिकेट संघाने सय्यद मुश्ताक अली स्पर्धेत पाचपैकी फक्त एकच सामना जिंकला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3jBhmlp
No comments:
Post a Comment