नवी दिल्ली: भारताचा कर्णधार विराट कोहलीने स्वत:ची कामगिरी एका वेगळ्या उंचीवर पोहोचवली आहे. फलंदाजी असो की संघाचे नेतृत्व किंवा मग क्षेत्ररक्षण विराटची कामगिरी अव्वल असते. या सर्वोत्तम कामगिरीमुळेच त्याच्याकडून काही चूक झाली तर सर्वांचे लक्ष जाते. ऑस्ट्रेलिया दौऱ्यात विराटने काही कॅच सोडले. यामुळे तो चर्चेत आला आहे. वाचा- विराट हा जसा उत्तम फलंदाज आहे तसा चांगला फिल्डर देखील आहे. ऑस्ट्रेलियाविरुद्धच्या दुसऱ्या टी-२० सामन्यात त्याने एक सोपा कॅच सोडला. या दौऱ्यात कॅच सोडण्याची ही त्याची पहिली वेळ नाही. पहिल्या लढतीत देखील त्याने डार्सी शॉर्टचा सोपा कॅच सोडला होता. दुसऱ्या लढतीत त्याने ऑस्ट्रेलियाचा हंगामी कर्णधार मॅथ्यू वेडचा सोपा कॅच सोडला. पण त्यासाठी भारताला फार मोठी किमत चुकवावी लागली नाही. कारण ज्या चेंडूवर विराटने कॅच सोडला त्याच चेंडूवर वेडला धावबाद केले. वाचा- वाचा- क्रिकेटमध्ये अशीच घटना याआधी घडली होती. काही महिन्यांपूर्वी इंग्लंड आणि ऑस्ट्रेलिया यांच्यातील कसोटी सामन्यात इंग्लंडचा गोलंदाज स्टुअर्ट ब्रॉडने विराट कोहली प्रमाणे सोपा कॅच सोडला होता आणि मग धावबाद केले होते. वाचा- विराटच्या या कॅच सोडण्याच्या घटनेचा व्हिडिओ शेअर करताना स्टुअर्टने जिमी अॅडरसनला टॅग करत तुला काही आठवते का? असा प्रश्न केला आहे. विराट प्रमाणेच स्टुअर्टने कॅच सोडला होता आणि पुन्हा जोरदार कमबॅक करत मोहम्मद अब्बासला धावबाद केले होते. वाचा- स्टुअर्टने मोक्याच्या क्षणी कॅच सोडला होता तेव्हा अॅडरसनला डावातील पाच विकेट घेण्यासाठी एका विकेटची तर ६०० बळींचा टप्पा पार करण्यासाठी ३ विकेटची गरज होती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3osbOL9
No comments:
Post a Comment