नवी दिल्ली : भारताचा माजी क्रिकेटपटू सुरेश रैनाला दोन दिवसांपूर्वी मुंबईमध्ये पोलिसांनी अटक केली होती. त्यानंतर रैनाचे नाव काही जणांनी काळ्या यादीतही टाकले असेल. आता आयपीएलचा हंगाम काही महिन्यांनी सुरु होणार आहे. त्यामुळे या अटकेनंतर चेन्नईचा संघ रैनाला स्वीकारणार का, याबाबतचा खुलासा चेन्नई सुपर किंग्स संघाच्या एका अधिकाऱ्यांनी केला आहे. आयपीएल सुरु होण्यापूर्वी चेन्नई सुपर किंग्सच्या संघातील काही सदस्य टकरोना पॉझिटीव्ह असल्याचे पाहायला मिळाले. त्यामुळे रैनाने कोणचेही न ऐकता संघाला सोडण्याचा निर्णय घेतला आणि तो भारतात दाखल झाला. पण या गोष्टीचे विपरीत परीणाम त्याच्यावर झाल्याचे पाहायला मिळाले. रैनाने संघाला सोडल्यावर संघमालक एन. श्रीनिवासन हे त्याच्यावर चांगलेच भडकलेले पाहायला मिळाले. त्यानंतर रैना आणि श्रीनिवासन यांच्यातील संबंध बिघडल्याचे पाहायला मिळाले. त्यामुळे आता पुढच्या आयपीएलच्यावेळी रैनाला चेन्नईच्या संघात स्थान मिळणार नाही, असे चित्र उभे राहीले होते. चेन्नईच्या अधिकाऱ्यांनी मुंबई मिररला दिलेल्या मुलाखतीमध्ये सांगितले की, " सुरेश रैना हा पुढच्या वर्षीही आमच्याच संघातून खेळणार आहे. रैनाला संघातून काढण्याचा विचार आम्ही केलाच नाही. मीडियातील बातम्यांमुळे आम्हाला रैनाला अटक झाल्याची बातमी मिळाली. पण त्याचा आमच्या रणनितीवर काहीही फरक पडणार नाही. रैना आमच्याच बरोबर खेळणार आहे." मुंबई पोलिसांनी परवा मध्यरात्री भारताचा माजी क्रिकेटपटू सुरेश रैनाला अटक केली आहे. मुंबई पोलिसांनी मध्यरात्री साडे तीन वाजता विमानतळाजवळील ड्रॅगन फ्लाय क्लबवर छापा टाकला. पण रैना या हॉटेलमध्ये नेमका काय करत होता, याची माहिती आता पुढे आलेली आहे. रैनाच्या व्यवस्थापकीय टीमने यावेळी एक मेल केला आहे आणि तो तिथे कशासाठी गेला होता, याचा खुलासाही करण्यात आला आहे. रैनाच्या व्यवस्थापकीय टीमने एक पत्रक काढले आहे. या पत्रकामध्ये लिहिले आहे की, " रैना त्या हॉटेलमध्ये एका शुटिंगसाठी गेला होता. त्याचे काम रात्री उशिरा संपले. त्यानंतर रैनाला त्याच्या एका मित्राने डिनरसाठी आमंत्रित केले होते. त्यानंतर रैनाला दिल्लीला रवाना व्हायचे होते. रैनाला यावेळी मुंबईमध्ये नेमके काय नियम आहेत, याबद्दक काहीच कल्पना नव्हती. पण जेव्हा रैनाला ही गोष्ट समजली तेव्हा त्याने पोलिसांना सहकार्य केले. रैना हा नियम पाळणारा व्यक्ती आहे आणि त्याने हे जाणूनबुजून केलेले नाही. यापुढेही रैना नियम पाळेल आणि सर्वांना नक्कीच सहकार्य करेल."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38uTxGJ
No comments:
Post a Comment