मेलबर्न, : भारताने ऑस्ट्रेलियात दुसरा सामना जिंकला आणि त्यानंतर अजिंक्य रहाणे आणि विराट कोहली यांच्यामध्ये तुलना व्हायला सुरुवात झाली. कारण कोहलीच्या नेतृत्वाखाली भारताला पहिल्या सामन्यात मानहानीकारक पराभव पत्करावा लागला होता. पण अजिंक्यच्या नेतृत्वाखाली भारताने एतिहासिक विजय मिळवला आहे. पण या दोघांच्या तुलनेबाबत भारताचा महान क्रिकेटपटू सचिन तेंडुलकरने आपले स्पष्ट मत व्यक्त केले आहे. सचिनने पीटीआयला दिलेल्या मुलाखतीमध्ये सांगितले की, " माझ्यामते विराट कोहली आणि अजिंक्य रहाणे यांच्यामध्ये तुलना करता कामा नये. कारण अजिंक्य रहाणे आणि विराट कोहली या दोघांमध्ये मोठा फरक आहे. त्याचबरोबर मी चाहत्यांना आठवण करून देऊ इच्छितो की, अजिंक्य आणि विराट हे दोघेही भारतीय आहेत आणि भारतीय संघासाठी ते खेळत आहेत. माझ्यामते कोणत्याही खेळाडू किंवा कर्णधारापेक्षा देश किंवा संघ नक्कीच मोठा असतो. त्यामुळे देश किंवा संघाचाच अधिक विचार सर्वांनी करायला हवा." गावस्कर यांनी कोणती खरी गोष्ट सांगितली... गावस्कर यावेळी म्हणाले की, " अजिंक्य रहाणे हा एक हंगामी कर्णधार आहे. जेव्हा एखादा हंगामी कर्णधार चांगली कामगिरी करतो आणि त्यानंतर जेव्हा संघातील मुख्य खेळाडू परत येतो, तेव्हा हंगामी कर्णधाराला आपले स्थान सोडावे लागते. त्यामुळे अजिंक्यने चांगले नेतृत्व केल्यानंतरही जेव्हा कोहली संघात परत येईल, तेव्हा त्याच्याकडेच भारताच्या कसोटी संघाचे नेतृत्व देण्यात येईल." अजिंक्य रहाणेच्या बाबतीत घडला असा योगायोग अजिंक्य रहाणेने दुसऱ्या कसोटी सामन्यात नेतृत्व करत भारतीय संघाला विजय मिळवून दिला. पण यापूर्वी जेव्हा रहाणेने ऑस्ट्रेलियाविरुद्ध धरमशाला येथील सामन्यात भारताचे नेतृत्व केले होते, तेव्हादेखील काही गोष्टी अशाच घडल्याचे पाहायला मिळाले होते. धरमशाला येथे झालेल्या सामन्यात कोहली खेळणार खेळणार नव्हता आणि मालिका १-१ अशी बरोबरीत होती. या सामन्यातील दोन्ही डावांत रहाणेने दमदार फलंदाजी केली होती. सर्वात महत्वाची गोष्ट म्हणजे रहाणेने या सामन्यातही मैदानावर येऊन विजय साकारला होता. आजच्या सामन्यात रहाणे फलंदाजीला येईल की नाही, माहिती नव्हते. पण भारताचे दोन फलंदाज बाद झाले आणि रहाणे फलंदाजीला आला. हा या दोन्ही सामन्यांतील योगायोग म्हणाला लागेल. अजिंक्यने या सामन्यात विजयी धावही घेतली. त्यामुळे अजिंक्य आता ऑस्ट्रेलियाविरुद्धच्या दोन सामन्यांमध्ये नेतृत्व करताना दोन्ही वेळेला पास झालेला पाहायला मिळत आहे. हा योगायोग आतापर्यंत अजून कोणत्या कर्णधाराच्या नशिबी आला असेल, असे सध्यातरी दिसत नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3hsDVaM
No comments:
Post a Comment