नवी दिल्ली: ऑस्ट्रेलियाविरुद्ध एडिलेड येथे झालेल्या डे-नाइट कसोटी सामन्यात भारतीय संघाने विजयाची संधी गमावली आणि त्यांचा ८ विकेटनी पराभव झाला. आता उर्वरीत मालिकेत भारतीय संघाला कमबॅक करता येणार नाही आणि त्यांचा दारुण पराभव होईल असे मत ऑस्ट्रेलियाचा माजी विकेटकीपर ब्रॅड हॅडिनने व्यक्त केले. वाचा- एसइएन रोडिओवरील कार्यक्रमात बोलताना हॅडिन म्हणाला, भारतीय संघाला डे-नाइट कसोटी जिंकण्याची चांगली संधी होती. पण त्यांनी ती गमावली. आता मला वाटत नाही भारत या पराभवातून बाहेर पडले. एडिलेड ओव्हलमध्ये परिस्थिती भारतीय गोलंदाजांसाठी अनुकुल अशी होती. चार सामन्यांच्या कसोटी मालिकेत जिंकण्याची एकमेव संधी त्यांना एडिलेड मध्ये होती. पण ती गमावली. आता ऑस्ट्रेलियाच संघ आक्रमक झाला आहे. ऑस्ट्रेलियाकडून ६६ कसोटी सामने खेळणाऱ्या हॅडिन यांनी सांगितले की, येथील परिस्थिती भारतीय गोलंदाजांना अनुकूल ठरत आहे. पण आता त्यांना कमबॅक करता येणार नाही. वाचा- भारताला ब्रिसबेन येथे एक कसोटी खेळायची आहे. या मैदानावर ऑस्ट्रेलियाचा कधीच कोणी पराभव केला नाही. या शिवाय पुढील दोन कसोटी भारतीय संघाला अनुकूल खेळपट्टी असेल. पण मला वाटत नाही की त्यांना विजय मिळवता येईल. भारताने २०१८ साली आक्रमक गोलंदाजीने ऑस्ट्रेलियात पहिल्या मालिका विजयाची नोंद केली होती. पण तेव्हा संघात स्टीव्ह स्मिथ आणि डेव्हिड वॉर्नर नव्हते. वाचा- गेल्या वेळी भारताकडे इशांत शर्मा होता. आता तो नाही आणि मोहम्मद शमी देखील पुढील सामने खेळणार नाही. त्यामुळे गोष्टी भारतासाठी अवघड होतील. वाचा- हॅडिनच्या आधी ऑस्ट्रेलियाचा माजी कर्णधार रिकी पॉन्टिंगने देखील कसोटी मालिकेत भारताचा क्लिन स्वीप होणार असल्याचे म्हटले होते. ऑस्ट्रेलियाने चार सामन्यांच्या मालिकेत १-० अशी आघाडी घेतली असून आता २६ डिसेंबरपासून मेलबर्न क्रिकेट मैदानावर बॉक्सिंग डे कसोटी सामना सुरू होणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2WwTqVh
No comments:
Post a Comment