सुनिल गावस्कर पुन्हा भडकले; अश्विनला स्पष्ट बोलल्याची शिक्षा दिली जाते

नवी दिल्ली: भारताचे महान फलंदाज सुनील गावस्कर यांनी काही दिवासंपूर्वी संघात पक्षपात होत असल्याचा आरोप केला होता. त्याच्या मते प्रत्येक खेळाडूसाठी एक नियम हवा. पण भारतीय संघात तसे होत नाही. विराट कोहलीला मुलाच्या जन्मासाठी सुट्टी दिली जाते. पण एन नटराजन याला मात्र प्रतिक्षा करावी लागते, असे ते म्हणाले होते. आता पुन्हा एकदा गावस्कर यांनी आर अश्विनवर कसा अन्याय होतो हे सांगितले आहे. वाचा- संघात काही खेळाडूंचे चेहरे पाहून त्यांच्यासोबत व्यवहार केला जातो. खर बोलणाऱ्याला गप्प केले जाते. अश्विनला त्याच्या स्पष्ट बोलण्याच्या स्वभावाची शिक्षा मिळते. चांगली कामगिरी केल्यानंतर देखील त्याच्यावर टांगती तलवार असते. अन्य कोणत्या तरी देशाकडून खेळत असता तर त्याला डोक्यावर घेतले असते, असे गावसकर म्हणाले. वाचा- ऑस्ट्रेलियाविरुद्ध एडिलेड कसोटीत ज्या काही मोजक्या भारतीय खेळाडूंनी चांगली कामगिरी केली त्यात अश्विनचा समावेश होता. अश्विनबद्दल बोलताना गावस्कर म्हणाले, अश्विन संघाच्या बैठकीत स्पष्ट बोलतो आणि त्याचीच शिक्षा त्याला मिळते. मोठ्या कालावधीपासून अश्विनला कामगिरीच्या जोरावर नव्हे तर संघाच्या बैठकीत स्वत:चे मत स्पष्टपणे मांडल्याची आणि मनातील गोष्ट सांगितल्याची शिक्षा मिळाली आहे. संघ बैठकीत अनेक जण न पटणाऱ्या गोष्टीसाठी होकार देतात. पण अश्विन तसे करत नाही. वाचा- गावस्करांच्या मते, एका सिनिअर फिरकीपटूला सरासरी कामगिरीच्या जोरावर बाहेर बसवले जाते आणि खराब कामगिरी करणाऱ्या फलंदाजाला मात्र संधी दिली जाते. वाचा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2KBvSfB